تحریک انصاف مینار پاکستان جلسہ، حکومت نے شہر کے مختلف راستوں کو کنٹینرز لگا کر بند کر دیا

فائل:فوٹو

لاہور: پاکستان تحریک انصاف کے آج مینار پاکستان میں ہونے والے جلسے کو ناکام بنانے کیلئے حکومت نے شہر کے مختلف راستوں کو کنٹینرز لگا کر بند کر دیاجس کے باعث شہریوں کو شدید مشکلات کا سامنا کرنا پڑ رہا ہے۔

حکومت نے ریلوے سٹیشن سے مینار پاکستان جانے والے تمام راستے بند کر دیئے، شاہ عالم مارکیٹ چوک، بانساں والا بازار چوک پر دونوں اطراف کنٹینرز لگا دیئے گئے۔

لاہور کے داخلی اور خارجی راستوں کو بھی کنٹینرز لگا کر بند کر دیا گیا ہے، راوی پل بند ہونے سے شہریوں کو شدید مشکلات کا سامنا کرنا پڑ رہا ہے۔

ادھرملک کے مختلف شہروں میں پولیس نے پی ٹی آئی کارکنان اور رہنماوٴں کے خلاف کریک ڈاوٴن میں متعدد سیاسی ورکرز کو گرفتار بھی کر لیا ہے دیگر کی گرفتاریوں کیلئے چھاپے مارے جا رہے ہیں۔

درج ذیل سڑکیں ٹریفک کے لیے بند ہیں.براہ کرم متبادل راستے اختیار کریں اور 15 پر کال کریں یا مدد کے لیے اپنے موبائل پر RASTA APP ڈاؤن لوڈ کریں۔#ctplahore #services pic.twitter.com/SyCEUUXHpm

— City Traffic Police Lahore (@ctplahore) March 25, 2023

یاد رہے کہ پاکستان تحریک انصاف کی جانب سے 25 مارچ کو مینار پاکستان لاہور میں جلسے کا اعلان کیا گیا تھا۔