انگلینڈ ٹیم پاکستان پہنچ گئی، سیریز کیلئے تجسس ہے اچھی کرکٹ ہوگی، جوز بٹلر

فوٹو: پی سی بی

کراچی: انگلینڈ ٹیم پاکستان پہنچ گئی، سیریز کیلئے تجسس ہے اچھی کرکٹ ہوگی، جوز بٹلر کا پاکستان پہنچنے کے بعد پہلی نیوز کانفرنس میں اظہار خیال، کہا ہماری ٹیم کے کئی کھلاڑی پاکستان میں پی ایس ایل کھیل چکے ہیں۔

انگلینڈ کرکٹ ٹیم ٹی ٹوئنٹی سیریز کھیلنے کیلئے17سال بعد پاکستان پہنچ گئی، ائرپورٹ پر پاکستان کرکٹ بورڈ کے اعلیٰ حکام نے انگلش ٹیم کا کراچی ائیر پورٹ پر استقبال کیا۔

http://

🗣️ Jos Buttler talks to the media as England’s T20I squad arrives in Karachi for their first tour of Pakistan in 17 years#PAKvENG pic.twitter.com/Z9Zl0UzY0N

— Pakistan Cricket (@TheRealPCB) September 15, 2022

انگلش کرکٹ ٹیم دبئی سے امارات ایئر لائن کی پرواز ای کے 600 سے کراچی پہنچی ہے، دنوں ممالک کے درمیان 7ٹی ٹوئنٹی میچز کی سیریز کا آغاز 20ستمبر سے ہوگا۔

مہمان ٹیم کے لیے کراچی ائیرپورٹ اور ہوٹل کے روٹ پر سخت حفاظتی انتظامات کیے گئے ، انگلینڈ کرکٹ ٹیم کو خصوصی حفاظتی انتظامات اور پروٹوکول میں ہوٹل لایا گیا۔

سیریز کے ابتدائی چار میچز کراچی میں جبکہ آخری تین میچز لاہور کے قذافی اسٹیڈیم میں کھیلے جائیں گے،انگلش ٹیم کی قیادت جوز بٹلر کر رہے ہیں جبکہ نائب کپتان معین علی ہیں۔

http://

The England squad has arrived at the team hotel in Karachi ✅#PAKvENG pic.twitter.com/M5esMUlDMT

— Pakistan Cricket (@TheRealPCB) September 15, 2022

کراچی پہنچنے پر پہلی نیوز کانفرنس میں انگلش کپتان جوز بٹلر کا کہنا تھا ہمیں سیریز کا بہت تجسس ہے امید کرتے ہیں شائقین کرکٹ کو اچھی کرکٹ دیکھنے کو ملے گی۔

ایک سوال کے جواب میں جوز بٹلر کاکہنا تھا کہ ہمارے لڑکے یہاں پاکستان سپر لیگ کھیل کرگئے ہیں انھیں یہاں کچھ پچز کا بھی اندازہ ہے اور انھوں یہاں مثبت ماحول پایا ہے۔