بنوں(ویب ڈیسک )خیبر پختونخوا میں ماری پیٹرولیم نے شمالی وزیرستان کے بنوں ویسٹ بلاک میں تیل و گیس کے ذخائر دریافت کر لئے ہیں۔
اس حوالے سے ترجمان ماری پٹرولیم کی طرف سے جاری اعلامیہ میں کہا گیاہے کہ بنوں ویسٹ بلاک میں تیل و گیس کے ذخائر دریافت ہوئے ہیں۔
تیل و گیس کے شعبے سے ملک کے لیے ایک اچھی خبر سامنے آئی ہے اورس نئی دریافت سے 25 ایم ایم سی ایف ڈی گیس اور 300 بیریل یومیہ تیل حاصل ہوگا۔
ترجمان ماری پٹرولیم کے اعلامیہ میں کہا گیاہے کہ تیل و گیس کے ذخائر کے دریافت کی خوشخبری سناتے ہوئے بتایا کہ شمالی وزیرستان میں یہ تیل و گیس کی پہلی دریافت ہے، نئی دریافت سے تیل وگیس کی طلب پوری کرنے میں مدد ملے گی۔
ترجمان کا کہنا ہے کہ اس سے ملک میں ہائیڈروکاربن کے ذخائر میں اضافہ ہوگا، جب کہ مقامی وسائل کی دریافت سے زرمبادلہ کے ذخائر کی بھی بچت ہوگی۔
Comments are closed.