اسلام آباد( زمینی حقائق ڈاٹ کام)پاکستان نے افغانستان کے سیلاب متاثرین کیلئے امدادی اشیاء کی پہلی کھیپ بھجوادی، متاثرین کیلئے امدادی سامان لے کر ایئرفورس کا خصوصی طیارہ سی-130 افغانستان روانہ ہوا۔
افغانستان میں تعینات پاکستان کے سفیر منصور احمد خان نے بھی ٹوئٹرپر بیان میں بتایا کہ وزیراعظم شہباز شریف کی ہدایت پر این ڈی ایم اے کی جانب سے پاکستان نے ریلیف کے سامان پر مشتمل آج پہلا سی-130 افغانستان روانہ کیا ہے۔
پاکستانی سفیر منصور احمد خان نے کہا آنے والے دنوں میں مزید امدادی اشیاء پر مشتمل پاکستان ایئر فورس کا ایک اور طیارہ سی-130 بھیجے جانے کا امکان ہے۔
انھوں نے بتایا کہ امدادی سامان مزار شریف میں افغان ڈیزاسٹر ریلیف تنظیموں کو ہمارے ناظم الامور کی طرف سے دیاجائے گا۔ سامان میں حالیہ سیلاب سے متاثرہ لوگوں کے لیے خیموں، کھانے پینے کی اشیاء اور ادویات شامل ہیں۔
وزیراعظم پاکستان میاں محمد شہباز شریف کی ہدایت پر این ڈی ایم اے کی جانب سے افغانستان کے متاثرین سیلاب کیلئے ریلیف کا سامان روانہ.
فیملی ٹینٹ، آٹا، چاول اور چینی پر مشتمل سامان کی پہلی کھیپ پاکستان ائیر فورس کے C-130طیارے کے ذریعے مزار شریف کے لیے روانہ کر دی گئی pic.twitter.com/Ff4LLXIzNw— NDMA PAKISTAN (@ndmapk) May 7, 2022
انہوں نے کہا حکومت پاکستان کی ہدایت پر افغانستان میں سیلاب متاثرین کے لیے پاکستان کی طرف سے امدادی اشیاء کی پہلی کھیپ پاکستان ایئر فورس کے خصوصی طیارے کے ذریعے آج افغانستان پہنچا دی گئی ہے۔
امدادی اشیاء میں 100 خیمے، 2 ٹن آٹا، 1 ٹن چاول، 450 کلو چینی شامل ہیں۔ امدادی اشیاء کی دوسری کھیپ 9 مئی کو روانہ ہوگی۔
وزیرِ اعظم شہباز شریف نے کہا افغانستان میں سیلاب زدگان کی امداد کے لیے پاکستان ہر ممکن کوشش کرے گا۔
Comments are closed.