میری خواہش ہے چینی کھلاڑیوں کو کرکٹ سکھائیں، عمران خان

فوٹو: ٹوئٹر

اسلام آباد( ویب ڈیسک)وزیراعظم نے گلگت میں آئس ہاکی کھیلتی لڑکیوں کی تصویر شیئر کی ہے اور ساتھ لکھا کہ اسکردو کا یہ دلکش منظر ہے ساتھ ساتھ گلگت کے علاقے میں آئس ہاکی کھیلتے ہوئے لڑکیوں کی تصاویر بھی شیئر کیں۔

وزیراعظم نے سوشل میڈیا پر جاری تصاویر کی پوسٹ کے ساتھ لکھا کہ رات کی آغوش میں جگمگاتا ہوا اسکردو، ہماری لڑکیاں آئس ہاکی کھیل رہی ہیں، اسکردو میں بین الاقوامی ایئرپورٹ بننے کے بعد یہ علاقہ سرما کی کھیلوں کا ایک عالمی مرکز بنے گا۔

عمران خان نے اس سے قبل چینی میڈیا کو انٹرویو دیتے ہوئے کہا کہ میری خواہش ہے چینی کھلاڑیوں کو کرکٹ سکھائیں، عمران خان نے کہا کورونا سے کھیل کی سرگرمیاں متاثر ہوئیں، خیبرپختونخوا میں گلگت سمیت دیگرعلاقے کھیل کے لیے بہترین ہیں۔

انھوں نے اس خواہش کااظہار کیا کہ وہ خنجراب پاس کے قریب پاکستان اور چین میں کھیلوں کی سرگرمیوں کے خواہاں ہیں،وزیراعظم گلگت بلتستان کی خوبصورتی سے متاثر ہیں اور وہ اس کا اکثر ذکر کرتے ہیں۔

http://

رات کی آغوش میں سکردو جگمگاتا ہے اور ہماری بچیاں گلگت بلتستان میں برف پر ہاکی کھیلتی ہیں۔ سکردو میں بین الاقوامی ہوائی اڈے کی تعمیر کے ساتھ یہ علاقہ اب سرما کی کھیلوں کا ایک عالمی مرکز بنے گا، انشاءاللہ۔pic.twitter.com/5oGJHFzeKO

— Imran Khan (@ImranKhanPTI) January 29, 2022

عمران خان سیاحت کے فروغ کیلئے شمالی علاقہ جات میں خوبصورت مقامات کی تصاویر شیئر اور علاقوں میں سیاحت کی اہمیت کو اجاگر کرتے رہتے ہیں۔

وزیراعظم عمران خان نے مصروف سیاحتی مقامات سے سیاحوں کا رش ختم کرنے کیلئے ہدایت کی کہ سیاحوں دلچسپی کے مطابق نئے سیاحتی مقامات بنائے جائیں،انہوں نے معاون خصوصی سیاحت اعظم جلیل کو ہدایت کی کہ سیاحوں کیلئے نئے سیاحتی مقامات ڈویلپ کیے جائیں۔

وہ اس لئے کہ مصروف سیاحتی مقامات سے سیاحوں کو دیگر مقامات کی جانب راغب کیا جاسکے، سردیوں کے موسم میں سیاحت کے شوقین لوگ مصروف سیاحتی مقامات کی بجائے دیگر مقامات کا بھی دورہ کریں گے۔