نوازشریف کی صحت پرمریم نواز کااظہار تشویش

لاہور(ویب ڈیسک )سابق وزیراعظم نواز شریف کی صاحبزادی مریم نواز کا کہنا ہے کہ نواز شریف کی طبیعت ٹھیک نہیں لیکن ہماری فیملی کو آگاہ تک نہیں کیا گیا۔

مریم نواز نے اپنی ٹوئٹ میں کہا کہ مجھے بتایا گیا ہے کہ نواز شریف کی طبیعت ٹھیک نہیں ہے اور ان کو کل پاکستان انسٹیٹیوٹ آف کارڈیالوجی لے جایا جائے گا۔

ان کا کہنا تھا کہ مجھے یا ہماری فیملی کو اس بارے میں آگاہ نہیں کیا گیا اور میڈیکل بورڈ کی جانب سے پیش کی جانے والی رپورٹس بھی ابھی تک نہیں دکھائی گئیں۔

ان کا کہنا ہے کہ نواز شریف کی رپورٹس سے متعلق جیل حکام اور وزارت داخلہ کو لکھا ہے۔