کینبرا(سپورٹس ڈیسک) آسٹریلیا نے دوسرے ٹی ٹونٹی میچ میں 7 وکٹوں سے ہرا دیا، سمتھ نے پاکستانی باولر ز کی خوب درگت بنائی.
وارنر اور فنچ کو جلدی آوٹ کرنے کے باوجود پاکستانی باؤلرز سمتھ کی جارحانہ بیٹنگ کا راستہ روکنے میں کامیاب نہ ہوسکے اور وہ 80 رنز بنا کر ناٹ آؤٹ رہے.
آسٹریلیا نے تین وکٹوں کے نقصان پر مطلوبہ ہدف حاصل کر لیا وارنر 20 رنز بنا کر آؤٹ ہوئے محمد عامر، محمد عرفان اور عماد وسیم نے ایک ایک وکٹ حاصل کی. اسٹیو سمتھ مین آف دی میچ قرار پائے.
اس سے قبل آسٹریلیا کے خلاف دوسرے ٹی 20 میچ میں پاکستانی بلے بازوں نے انتہائی مایوس کن کارکردگی کا مظاہرہ کیا لیکن افتخار احمد کی جارحانہ اننگز کی بدولت گرین شرٹس 20 اوورز میں 150 رنز بنانے میں کامیاب رہے ۔
ٹاس جیتنے کے بعد پاکستان کے کپتان بابر اعظم نے ایک مرتبہ پھر اوپنر کی حیثیت سے فخرزمان کے ساتھ اننگز کاآغاز کیا لیکن فخرزمان حسب سابق صرف 2 رنز بنا آؤٹ ہوگئے۔
حارث سہیل بیٹنگ کے لیے آئے لیکن ایک مرتبہ پھر اونچا شاٹ کھیل کر اپنی وکٹ گنوا دی۔ 29 رنز پر دو وکٹیں گرنے کے بعد بابر اعظم اور وکٹ کیپر محمد رضوان نے مل کر ٹیم کا اسکور 62 رنز تک پہنچایا لیکن رضوان باہر نکل کر شاٹ کھیلنے کی کوشش میں اسٹمپ آؤٹ ہو گئے۔
رضوان کے بعد آنے والے آصف علی بھی چھکا لگانے کی کوشش میں کیچ آؤٹ ہو گئے۔ انہوں نے 5 گیندوں پر صرف 4 رنز بنائے۔
کپتان بابر اعظم اور چھٹے نمبر پر آنے والے افتخار احمد نے 16 اوورز میں ٹیم کا مجموعہ 106 رنز تک پہنچایا لیکن دو رنز لینے کی کوشش میں بابر رن آؤٹ ہو گئے۔ انہوں نے 50 رنز بنائے۔
بابر اعظم کے آؤٹ ہونے کے بعد افتخار احمد نے عماد وسیم کے ساتھ مل کر جارحانہ بیٹنگ کی اور اپنے ٹی 20 کیریئر کی پہلی نصف سنچری اسکور کی۔ پاکستان نے افتخار احمد کی جارحانہ اننگز کی بدولت آخری تین اوورز میں 67 رنز اسکور کیے۔
افتخار احمد 34 گیندوں پر 6 چھکوں اور 5 چوکوں کی مدد سے 62 رنز بنا کر ناٹ آؤٹ رہے دوسرے اینڈ سے وہاب ریاض ان کے ساتھ ناٹ آؤٹ واپس آئے.
سیریز کا پہلا میچ بارش کے باعث بے نتیجہ ختم ہوا تھا لیکن اس میں پاکستانی بلے بازوں کی کارکردگی انتہائی بری رہی تھی.
Comments are closed.