اسلام آباد (سپورٹس ڈیسک) ایشز سیریز کے پہلے ٹیسٹ میں آسٹریلیا نے انگلینڈ کو 251 رنز سے ہرادیا۔
برمنگھم میں کھیلے گئے ایشز سیریز کے پہلے ٹیسٹ میں آسٹریلیا نے ٹاس جیت کر پہلے بیٹنگ کی اور پہلی اننگز میں پوری ٹیم 284 رنز بناسکی۔ اسٹیو اسمتھ 144 رنز بناکر نمایاں رہے۔
جواب میں انگلش ٹیم نے 374 رنز بنائے اور اسے 90 رنز کی برتری حاصل ہوئی۔
آسٹریلیا کی جانب سے دوسری اننگز میں اسٹیو اسمتھ اور میتھیو ویڈ نے شاندار کھیل پیش کیا اور دونوں نے سنچریاں بنائیں، اسٹیو اسمتھ نے پھر 142 رنز کی شاندار اننگز کھیلی۔
آسٹریلیا نے اپنی دوسری اننگز 487 رنز بناکر ڈکلیئر کردی جب اس کی 3 وکٹیں باقی تھیں اور یوں انگلینڈ کو 398 رنز کا ہدف ملا۔
میچ کے آخری روز انگلش ٹیم نے 398 رنز کے تعاقب میں 13 رنز بغیر کسی نقصان کے دوبارہ آغاز کیا لیکنانگلینڈ کی پوری ٹیم صرف 146 رنز پر آؤٹ ہوگئی اور یوں انگلش ٹیم 251 رنز کے بڑے مارجن سے میچ ہار گئی۔
نیتھن لائن نے 6 وکٹیں حاصل کیں جبکہ فاسٹ بولر پیٹ کمنز نے 4 کھلاڑیوں کو آؤٹ کیا۔
دونوں اننگز میں سنچری بنانے والے اسٹیو اسمتھ مین آف دی میچ قرار پائے ۔
Comments are closed.