فوٹو : پی سی بی
لاہور : آسٹریلیا اور پاکستان کے درمیان ٹی ٹوئنٹی سیریز کا پہلا میچ آج کھیلا جائے گا، سردی اور اوس کے باعث یہ میچ 6 بجے کی بجائے شام 4بجے شروع ہو گا یہ سیریز ٹی ٹوئنٹی ورلڈ کپ کی تیاریوں کا حصہ ہے.
تین میچوں کی سیریز کا تینوں ٹی ٹوئنٹی انٹر نیشنل میچز قذافی اسٹیڈیم لاہور میں کھیلے جائیں گے ، گزشتہ روز آسٹریلوی ٹیم لاہور پہنچی، مہمان ٹیم کی آمد کے بعد کپتانوں سلمان علی آغا اور مچل مارش نے سیریز کی ٹرافی کی رونمائی کی۔
اس موقع پر کپتانوں نے پریس کانفرنس میں سلمان علی آغا نے کہا کہ ہر کھلاڑی کو اپنے رول کا علم ہے، ٹیم کی ضرورت کے مطابق رن ریٹ کے مطابق کھیلنا ضروری ہے۔
انہوں نے کہا کہ کوشش کی گئی ہے کہ پچز سری لنکا جیسی بنائی جائیں، کھلاڑی اپنی صلاحیت کے مطابق کھیلے تو سیریز جیت سکتے ہیں۔
آسٹریلوی کپتان مچل مارش نے کہا کہ شاہین آفریدی اچھے بولر ہیں، جو ہمارے لیے چیلنجنگ ہیں، سیریز اچھی ہو گی۔ میں اپنے کھیلنے کے حوالے سے آج رات یا کل فیصلہ کروں گا۔
انہوں نے کہا کہ ہم نے پلان کیا ہے، اسپنرز پر اٹیک کرنے کی کوشش کریں گے، کنڈیشنز چیلنجنگ ہوں گی، ہمارے پاس ورلڈ کپ اسکواڈ کے زیادہ تر کھلاڑی موجود ہیں۔
Comments are closed.