فوٹو : سوشل میڈیا
اسلام آباد : اسلام آباد میں درختوں کی کٹائی روکنے کا بالآخر عدالتی حکم آگیا ہے اور ایک شہری کی درخواست پر اسلام آباد ہائیکورٹ نے سی ڈی اے کو درختوں کی کٹائی سے روک دیا۔
اسلام آباد ہائیکورٹ کے جسٹس خادم حسین سومرو نے شہری محمد نوید احمد کی درخواست پر سماعت کی۔
اسلام آباد ہائیکورٹ نے سی ڈی اے کو درختوں کی کٹائی سے روکتے ہوئے سی ڈی اے، پاکستان انوائرمنٹل پروٹیکشن ایجنسی اور وزارت ماحولیاتی تبدیلی کو نوٹس جاری کردیا۔
اس کے علاوہ عدالت نے تمام فریقین سے 2 فروری تک درخواست پر شق وار جواب اور تفصیلی رپورٹ طلب کرلی ہے.
اس سے قبل اسلام آباد کے شہری سوشل میڈیا پر بار بار وفاقی دارالحکومت میں درختوں کی کٹائی روکنے پر احتجاج اور سی ڈی اے سے درخواستیں کرتے رہے نہ تسلی بخش جواب آیا نہ حکومت نے کوئی نوٹس لیا.
Comments are closed.