ٹرائی نیشن سیریز، پاکستان اور سری لنکا کے درمیان فائنل آج کھیلا جائے گا

فوٹو : فائل

راولپنڈی : ٹرائی نیشن سیریز، پاکستان اور سری لنکا کے درمیان فائنل آج کھیلا جائے گاپاکستان نے اس سیریز کے دوران ایک شکست کا سامنا کیا ہے جبکہ سری لنکا پاکستان کے علاوہ زمبابوے سے بھی ایک  میچ ہارا ہے.

راولپنڈی میں شیڈول فائنل میچ کا ٹاس شام ساڑھے پانچ، میچ 6 بجے شروع ہو گا، ان دنوں چونکہ راولپنڈی اسلام آباد میں سخت سردی ہے اس لئے اس کا اثر تماشائیوں پر بھی پڑا ہے اور گزشتہ میچ تعداد کم تھی۔

راولپنڈی میں ہی سری لنکا نے آخری لیگ میچ میں پاکستان کو 6 رنز سے شکست دے کر فائنل میں جگہ بنائی تھی، زمبابوے کی ٹیم چار میں سے صرف ایک میچ جیت سکی اور فائنل کی دوڑ سے باہر ہوگئی۔

واضح رہے کہ سری لنکن ٹیم پاکستان کے خلاف ون ڈے سیریز میں 0-3 کی شکست کے بعد سہ ملکی سیریز میں بھی پاکستان اور زمبابوے سے اپنے ابتدائی میچز ہار گئی تھی۔

پھر اس کے بعد اگلے دونوں میچز میں فتح حاصل کرکے فائنل میں رسائی حاصل کی، میزبان ٹیم میں آج شاہین شاہ آفریدی کی واپسی متوقع ہے۔