پہلا ٹی 20 میچ ،پاکستان کی ٹاس جیت کر پہلے جنوبی افریقہ کو بیٹنگ کرنے کی دعوت

فوٹو : اسکرین شاٹ 

راولپنڈی: پہلا ٹی 20 میچ ،پاکستان کی ٹاس جیت کر پہلے جنوبی افریقہ کو بیٹنگ کرنے کی دعوت ،تین میچز پر مشتمل ٹی ٹوئنٹی سیریز کا پہلا میچ آج راولپنڈی میں کھیلا جا رہا ہے۔

 راولپنڈی میں کھیلے جارہے میچ میں پاکستان نے ٹاس جیت کر جنوبی افریقا کو پہلے بیٹنگ کی دعوت دے دی۔ 

پہلے ٹی ٹوئنٹی کیلئے پاکستان ٹیم میں صائم ایوب ، صاحبزادہ فرحان ،  بابر اعظم ، کپتان سلمان علی آغا شامل ہیں۔

اس کے علاوہ حسن نواز،  عثمان خان، محمد نواز، فہیم اشرف، شاہین آفریدی، نسیم شاہ اور  ابراراحمد  بھی فائنل الیون کا حصہ ہیں۔

دوسری جانب جنوبی افریقا کی ٹیم ڈونوان فریرا (کپتان)، کوئنٹن ڈی کوک،  ریزا ہینڈرکس، ٹونی ڈی زورزی،  ڈیوالڈ بریوس، میتھیو بریزکے، جارج لینڈسے، کارٹن بوش، لزاڈ ولیمز، ناندرے برگر اور لنگی نگیڈی پر مشتمل ہے۔

واضح رہے کہ  چھاتی کے سرطان سے آگاہی مہم کیلئے  پاکستانی ٹیم نے پہلے ٹی ٹوئنٹی انٹرنیشنل میچ میں گلابی رنگ والی خصوصی کٹ پہنی ہے جبکہ جنوبی افریقی ٹیم اور میچ آفیشلز گلابی ربن پہن کر میدان میں اترے ہیں۔