عدالت کا عمران خان کو آئندہ سماعت پر پیش کرنے کا حکم، بشریٰ بی بی کی ضمانت میں توسیع

فوٹو : فائل 

اسلام آباد: ڈسٹرکٹ اینڈ سیشن کورٹس اسلام آباد نے بانی پی ٹی آئی عمران خان کو آئندہ سماعت پر عدالت میں یا ویڈیو لنک کے ذریعے پیش کرنے کا حکم جاری کر دیا۔

ایڈیشنل ڈسٹرکٹ اینڈ سیشن جج محمد افضل مجوکا نے عمران خان اور ان کی اہلیہ بشریٰ بی بی کے خلاف9 مئی اور دیگر 5 مقدمات کی سماعت کی۔

اڈیالہ جیل حکام کی جانب سے عدالت کے شوکاز نوٹس کا جواب جمع نہ کروانے پر عدالت نے برہمی کا اظہار کیا۔

عدالت نے عمران خان اور بشریٰ بی بی کی عبوری ضمانت میں 25 نومبر تک توسیع کرتے ہوئے سماعت ملتوی کر دی۔

یاد رہے کہ عمران خان کے خلاف 9 مئی، اقدامِ قتل، اور جعلی رسیدوں سمیت متعدد مقدمات زیرِ سماعت ہیں، جبکہ بشریٰ بی بی پر مبینہ طور پر جعلی رسیدیں جمع کروانے کا الزام ہے۔

عدالت کا عمران خان کو آئندہ سماعت پر پیش کرنے کا حکم، بشریٰ بی بی کی ضمانت میں توسیع