مائیک ہیسن نے بابراعظم کا بیٹنگ نمبر بتا دیا ،فخر زمان کو فرسٹ کلاس میں واپسی کا مشورہ

فوٹو : فائل 

راولپنڈی : قومی وائٹ بال ٹیم کے ہیڈکوچ مائیک ہیسن نے بابراعظم کا بیٹنگ نمبر بتا دیا ،فخر زمان کو فرسٹ کلاس میں واپسی کا مشورہ دیا ہے ان کا کہنا ہے کہ بابراعظم کو ٹی ٹونٹی اسکواڈ میں شامل کیا گیا ہے، اور وہ تیسرے نمبر پر بیٹنگ کریں گے۔

راولپنڈی کرکٹ اسٹیڈیم میں پریس کانفرنس کرتے ہوئے مائیک ہیسن نے کہا ہے کہ ورلڈ کپ کی تیاریوں کے بارے میں مختلف آپشنز پر غور کریں گے۔

ان کا کہنا تھا کہ محمد حارث کو کافی مواقع دیے ہیں مگر انہوں نے فائدہ نہ اٹھایا۔ محمد حارث نوجوان ہیں، ابھی مزید بہتری کی ضرورت ہے۔

مائیک ہیسن نے کہا کہ عثمان خان اسپنرز کے خلاف اچھی بیٹنگ کرتے ہیں، اس لیے انہیں ٹی ٹونٹی سیریز میں موقع دیا گیا ہے۔

وائٹ بال کوچ کا کہنا تھا کہ ایشیاء کپ فائنل میں شکست پر مایوسی ہوئی تھی کیونکہ ایشیاء کپ کا فائنل ایک بڑا دن تھا۔

انہوں نے کہا کہ ٹی ٹونٹی میں مختلف شعبوں میں بہتری کی ضرورت ہے، اسکواڈ کا جوحصہ نہیں انہیں ڈومیسٹک کرکٹ پر فوکس کرنا چاہیے۔

ہیڈ کوچ کا کہنا تھا کہ سفیان مقیم کو فرسٹ کلاس کرکٹ میں واپس بھیجا ہے جبکہ عثمان طارق ایک باصلاحیت اسپن ٹیلینٹ ہے۔ ساؤتھ افریقہ کیخلاف سیریز، ٹرائی سیریز سے ورلڈکپ سے متعلق آپشنز ملیں گے

مائیک حیسن کا مزید کہنا تھا کہ فخر زمان ایک روزہ فارمیٹ کا حصہ ہیں، میں نے فخر زمان سے بات بھی کی تھی انہیں فرسٹ کلاس میں کام کرنا پڑےگا۔