فوٹو : اے ایف پی
راولپنڈی : راولپنڈی ٹیسٹ، پاکستان کے جنوبی افریقہ کیخلاف لنچ تک ایک وکٹ پر 95 رنز ہیں، امام الحق 17 رنز بنا کر آوٹ ہؤئے،دوسرے اور آخری ٹیسٹ میچ میں پاکستان نے ٹاس جیت کر بیٹنگ کا فیصلہ کیا.
راولپنڈی میں کھیلے جانے والے میچ میں
پاکستان کی پہلی وکٹ 35 رنز پر گرگئی، اوپنر امام الحق 17 رنز بناکر آصف اسپنر ہارمر کی گیند پر کلین بولڈ ہوگئے۔
کھانے کے وقفے تک پاکستان نے ایک وکٹ کے نقصان پر 95 رنز بنالیے، شان مسعود 38 اور عبداللہ شفیق 37 رنز بناکر ناٹ آؤٹ ہیں۔
پاکستان نے میچ میں ایک تبدیلی کرتے ہوئے حسن علی کی جگہ تیسرے اسپنر آصف آفریدی کو کھلانے کا فیصلہ کیا،جبکہ جنوبی افریقہ کی ٹیم میں دو تبدیلیاں کی گئی ہیں، اور ویان ملڈر اور پرینیلائن سبرائن کی جگہ مارکو جینسن اور کیشو مہاراج کی واپسی ہوئی ہے۔
آصف آفریدی دوسرے عمر رسیدہ ترین ڈیبیوٹنٹ
آصف آفریدی پاکستان کی جانب سے ڈیبیو کرنے والے دوسرے عمر رسیدہ کھلاڑی بن گئے ہیں جنہیں نے 38 سال 299 دن کی عمر میں ڈیبیو کرنے کا اعزاز حاصل ہوا ہے، پاکستان کی جانب سے ڈیبیو کرنے والے عمر رسیدہ ترین کھلاڑی میراں بخش تھے جنہوں نے 47 سال 284 دن کی عمر میں پہلا ٹیسٹ کھیلا تھا۔
پاکستان کی پلیئنگ الیون
پاکستانی ٹیم عبداللہ شفیق، امام الحق، کپتان شان مسعود، بابر اعظم، سعود شکیل، محمد رضوان، سلمان علی آغا، نعمان علی، ساجد خان، آصف آفریدی اور شاہین شاہ آفریدی پر مشتمل ہے۔
Comments are closed.