بھارت کے خلاف میچ کیلئے تیاری کی ہے تمام کھلاڑی پرجوش ہیں، فاطمہ ثناہ

فوٹو : سوشل میڈیا

اسلام آباد : پاکستان کرکٹ ٹیم کی کپتان فاطمہ  نے کہا کہ بھارت کے خلاف میچ کیلئے تیاری کی ہے تمام کھلاڑی پرجوش ہیں، فاطمہ ثناہ کی پریس کانفرنس، اس دوران آئی سی سی کی طرف سے واضح ہدایت تھی کہ صحافی سیاسی سوالات نہیں پوچھیں گے۔

 آئی سی سی کی طرف سے کہا گیا کہ پریس کانفرنس میں سیاسی سوال نہ کیا جائے اور ہینڈ شیک کرنے پر بھی کوئی سوال نہیں ہوگا، صرف کرکٹ کے حوالے سے سوال کیا جائے۔

  پریس کانفرنس شروع ہوئی جس میں قومی کرکٹ ٹیم کی کپتان نے بھارت کے خلاف میچ کی تیاری سے آگاہ کیا۔

فاطمہ ثنا نے کہا کہ بھارت کے خلاف میچ کیلئے اچھی تیاری کی ہے، ہماری توجہ صرف کرکٹ پر ہے اور ہم یہاں صرف کرکٹ کھیلنے آئے ہیں، بھارت کے خلاف میچ کی لیے 11 کھلاڑیوں کا انتخاب ابھی نہیں بتا سکتے۔

انہوں نے کہاکہ بنگلادیش سے شکست کے بعد پاکستان ایونٹ سے باہر نہیں ہوا، ہم کم بیک کریں گے، سب نے اچھی تیاری کی ہے۔

ایک سال کے جواب میں قومی ویمن کپتان کا کہنا تھا کہ ماضی میں ٹیموں کے ساتھ میل جول ہوتا تھا جو اچھا لگتا ہے لیکن اب پہلی ترجیح صرف کرکٹ کھیلنا ہے۔

انہیں اندازہ ہے کہ باہر کیا کچھ چل رہا ہے لیکن وہ اور ان کی ٹیم صرف کرکٹ پر فوکس کررہی ہے۔

فاطمہ ثنا نے مزید کہا کہ کم عمر میں کپتانی سمیت کئی اعزاز ملے، ٹیم میں شامل سینئر کھلاڑی سپورٹ کرتی ہیں اور ہم سب ایک ٹیم بن کر کھیلتے ہیں۔ْ