ثناءیوسف قتل کیس،ملزم عمر حیات پر فرد جرم عائد کر دی گئی

فوٹو : فائل 

اسلام آباد : ڈسٹرکٹ اینڈ سیشن کورٹس اسلام آباد میں ٹک ٹاکر ثناءیوسف قتل کیس،ملزم عمر حیات پر فرد جرم عائد کر دی گئی،ثنا یوسف قتل کیس میں ملزم عمر حیات نے صحت جرم سے انکار کر دیا،، عدالت نے کیس کی مزید سماعت 25 ستمبر تک ملتوی کر دی. 

ایڈیشنل ڈسٹرکٹ اینڈ سیشن جج محمد افضل مجوکا نے سماعت کی،،ملزم عمر حیات کو عدالت پیش کیاگیا، ،،، جج افضل مجوکہ نے ملزم سے استفسار کیا کہ ثنا یوسف کو آپ نے قتل کیا ہے کیا کہتے ہیں؟

ملزم عمر حیات نے بتایا کہ میں نے ایسا کوئی بھی جرم نہیں کیا یہ سب جھوٹ ہے ، جج افضل مجوکہ نے ملزم سے استفسار کیا کہ آپ کے اوپر الزام ہے کہ آپ نے ثنا یوسف کا موبائل فون بھی چھینا.

ملزم نے بتایا کہ میرے اوپر جو بھی الزامات لگائے گئے ہیں وہ جھوٹ پر مبنی ہیں، ، ملزم عمر حیات کیخلاف تھانہ سنبل میں قتل کا مقدمہ درج ہے.