فوٹو : فائل
جنیوا: قطر کے دارالحکومت دوحہ میں حماس رہنماؤں پر اسرائیلی فضائی حملے کے بعد اقوام متحدہ کی انسانی حقوق کونسل کا ہنگامی اجلاس آج جنیوا میں طلب کیا گیا ہے۔
یہ اجلاس پاکستان اور کویت کی درخواست پر بلایا گیا، جس میں اسرائیلی کارروائیوں اور ان کے اثرات پر تبادلہ خیال کیا جائے گا۔
اسرائیل نے انسانی حقوق کونسل کے اس اجلاس کو مضحکہ خیز قرار دیتے ہوئے کہا ہے کہ اس کے کسی بھی نتیجے کو انسانی حقوق کے عالمی نظام پر دھبہ سمجھا جائے گا۔
یاد رہے کہ 9 ستمبر کو اسرائیل نے دوحہ میں حماس رہنماؤں کے اجلاس پر فضائی حملہ کیا تھا جس کے نتیجے میں 6 افراد شہید ہوئے، تاہم حماس کی اعلیٰ قیادت محفوظ رہی۔
حماس ذرائع کے مطابق اس وقت اجلاس میں غزہ میں ممکنہ جنگ بندی اور امریکی صدر کی تجویز پر غور جاری تھا۔
پاکستان کی درخواست،قطرپر اسرائیلی حملے پراقوام متحدہ کی انسانی حقوق کونسل کا ہنگامی اجلاس
Comments are closed.