قومی ویمنز کرکٹ ٹیم اور ہیڈ کوچ کا قومی مینز ٹیم کے لیے نیک خواہشات کا اظہار

فوٹو : سوشل میڈیا

اسلام آباد : ایشیا کپ میں پاکستان بمقابلہ بھارت کے آج کے میچ کے لیے قومی ویمنز کرکٹ ٹیم اور ہیڈ کوچ کا قومی مینز ٹیم کے لیے نیک خواہشات کا اظہار کیا ہے۔

پاکستان ویمنز ٹیم کے ہیڈ کوچ محمد وسیم نے کہا کہ پاکستان اور انڈیا کا بڑا میچ ہے، ہمیں بھی بے چینی سے انتظار ہے، ہماری نیک تمنائیں پاکستان ٹیم کے ساتھ ہیں۔

انھوں نے کہا پاکستان ٹیم نے ٹرائی نیشن سیریز میں اچھی کرکٹ کھیلی ہے اور پوری امید ہے کہ ٹیم بھارت کے خلاف بھی بہترین پرفارمنس دکھائے گی۔

آل راؤنڈر عالیہ ریاض نے کہا کہ اچھا کھیلیں اور ملک کا نام روشن کریں، قومی کھلاڑی ایمان فاطمہ نے اپنے پیغام میں کہا کہ پاکستان ٹیم کو ہماری طرف سے بیسٹ وشز اور گُڈ لک۔ قومی کھلاڑی اچھا کھیلیں اور جیتیں۔

بیٹر نتالیہ پرویز نے بھی نیک تمناؤں کا اظہار کرتے ہوئے کہا کہ ہماری دعائیں اور نیک خواہشات پاکستان ٹیم کے ساتھ ہیں، پوری امید ہے کہ پاکستانی ٹیم بہترین کارکردگی دکھائے گی۔