مسلہ فلسطین کا حل دو ریاستوں کا قیام ہے، اقوام متحدہ کی جنرل اسمبلی میں قرارداد منظور

فوٹو : فائل

نیویارک : مسلہ فلسطین کا حل دو ریاستوں کا قیام ہے، اقوام متحدہ کی جنرل اسمبلی میں قرارداد منظور کر لی گئی، جنرل اسمبلی نے مسئلہ فلسطین کے دو ریاستی حل کی قرارداد بھاری اکثریت سے منظورکی۔

یو این جنرل اسمبلی کے اعلامیہ کے مطابق قرارداد کے حق میں 142، مخالفت میں 10 ووٹ پڑے، امریکا اور اسرائیل نے ووٹنگ کا بائیکاٹ کیا۔

عرب میڈیا کے مطابق 7 صفحات پر مشتمل یو این اعلامیہ جولائی میں سعودی عرب، فرانس کی میزبانی میں بین الاقوامی کانفرنس کا نتیجہ ہے۔

خبر ایجنسی کے مطابق اسرائیل نے دو ریاستی حل سے متعلق اقوام متحدہ کا اعلامیہ مسترد کر دیا۔

دوسری جانب فلسطین کی وزارتِ خارجہ نے اقوام متحدہ کی جنرل اسمبلی میں دو ریاستی حل سے متعلق قرارداد کی بھاری اکثریت سے منظوری کا خیرمقدم کیا ہے۔

فلسطینی وزارت خارجہ کا کہنا ہے کہ فلسطین کی ریاست سعودی عرب اور فرانس کی شکر گزار ہے جنھوں نے بین الاقوامی کانفرنس کی صدارت کی اور نیویارک اعلامیہ کو عملی منصوبے میں بدلنے کے لیے نمایاں کوششیں کیں۔

وزارت خارجہ نے کہا کہ اسرائیلی نو آبادیاتی قبضے کے خاتمے کے لیے تمام میکنزم کو فعال کیا جائے اور فلسطینی عوام کے جائز حقوق کو یقینی بنایا جائے۔