فوٹو : سوشل میڈیا
لاہور: قومی کرکٹ ٹیم کے سابق کپتان اور سوئنگ کے سلطان وسیم اکرم نے ایشیا کپ 2025 میں پاکستان اور بھارت کے درمیان ہونے والے بڑے ٹاکرے سے قبل اہم بیان دیا ہے۔
وسیم اکرم نے کہا کہ پاکستان بمقابلہ بھارت میچ 14 ستمبر کو کھیلا جائے گا جو ہمیشہ کی طرح انتہائی سنسنی خیز ہوگا۔ ان کے مطابق میدان میں کامیابی اسی ٹیم کو ملے گی جو دباؤ کو بہتر انداز میں سنبھالے گی۔
انہوں نے بھارتی میڈیا کے اس بیانیے پر بھی ردعمل دیا جس میں بھارتی ٹیم کو ’فیورٹ‘ قرار دیا جا رہا ہے۔ وسیم اکرم نے کہا کہ کرکٹ میں فیورٹ ہونا اصل امتحان نہیں بلکہ دباؤ میں کارکردگی دکھانا ہی کامیابی کی کنجی ہے، اور پاکستانی ٹیم میں بھی بڑے میچز جیتنے کی صلاحیت موجود ہے۔
سابق کپتان نے دونوں ملکوں کے شائقین کو نظم و ضبط اور برداشت کا مظاہرہ کرنے کی تلقین کرتے ہوئے کہا کہ اگر بھارتی عوام اپنی ٹیم کے ساتھ کھڑے ہیں تو پاکستانی عوام بھی اپنے کھلاڑیوں کی جیت کی خواہش رکھتے ہیں۔ لیکن سب سے اہم بات یہ ہے کہ کھیل کو کھیل کی حد تک رکھا جائے تاکہ یہ میچ دنیا بھر کے کرکٹ مداحوں کے لیے یادگار ثابت ہو۔
وسیم اکرم نے زور دیا کہ کھلاڑیوں کے ساتھ ساتھ شائقین کو بھی کھیل کی اصل روح کو برقرار رکھنا چاہیے تاکہ کرکٹ کا مثبت پیغام دنیا بھر میں جائے۔
وسیم اکرم کا بھارتی شائقین کےلئے ایشیا کپ 2025، میں پاک بھارت ٹاکرا پر پیغام
Comments are closed.