نیویارک کے علاقے کراؤن ہائٹس کےایک کلب میں فائرنگ، 3 افراد ہلاک اور 8 زخمی

فوٹو : سوشل میڈیا

نیویارک: امریکی شہر نیویارک کے علاقے کراؤن ہائٹس میں واقع کلب "ٹیسٹ آف دی سٹی لاؤنج” میں جھگڑے کے بعد فائرنگ کا واقعہ پیش آیا جس کے نتیجے میں 3 افراد ہلاک اور 8 زخمی ہوگئے۔

امریکی میڈیا کے مطابق پولیس حکام کا کہنا ہے کہ فائرنگ سے قبل کلب میں تنازع ہوا جس کے بعد ایک یا ایک سے زائد حملہ آوروں نے متعدد اسلحہ سے اندھا دھند گولیاں چلائیں۔

جائے وقوعہ سے کم از کم 36 خول برآمد ہوئے جبکہ قریبی گلی سے ایک فائر آرم بھی برآمد کیا گیا ہے۔

نیویارک پولیس کمشنر جسیکا ٹش نے واقعے کو افسوسناک قرار دیتے ہوئے کہا کہ زخمیوں میں 8 مرد اور 3 خواتین شامل ہیں، جنہیں اسپتال منتقل کردیا گیا ہے اور ان کی حالت خطرے سے باہر ہے۔

زخمیوں کی عمریں 27 سے 61 سال کے درمیان بتائی گئی ہیں۔

یہ واقعہ ایسے وقت میں ہوا ہے جب نیویارک میں گن وائلنس کی شرح ریکارڈ کم ترین سطح پر ہے۔

پولیس کے مطابق رواں سال کے پہلے سات ماہ میں فائرنگ اور اس سے متاثرہ افراد کی تعداد میں نمایاں کمی دیکھی گئی ہے۔

پولیس حکام نے مزید بتایا کہ واقعے کی تحقیقات جاری ہیں اور تاحال کوئی گرفتاری عمل میں نہیں آئی۔

نیویارک کے علاقے کراؤن ہائٹس کےایک کلب میں فائرنگ، 3 افراد ہلاک اور 8 زخمی