فوٹو : کرک انفو
ٹرینیڈاڈ : ویسٹ انڈیز نے پاکستان کو 202 رنز سے ہرا کر 33 سال بعد ونڈے سیریز جیت لی، پاکستانی بیٹنگ ریت کی دیوار ثابت ہوئی، 295 رنز ہدف کے تعاقب میں پوری ٹیم 92 رنز ڈھیر ہوئی، کپتان رضوان سمیت 5 کھلاڑی صفر پر آؤٹ ہوئے.
ویسٹ انڈیز کے جیڈن سیلز نے صرف 18 رنز کے عوض 6 وکٹیں حاصل کیں۔صائم ایوب، عبداللّٰہ شفیق، محمد رضوان، حسن علی اور ابرار احمد صفر پر آؤٹ ہوئے۔
محمد نواز 23 رنز بنا کر ناٹ آوٹ رہے جبکہ نسیم شاہ نے 6 سلمان آغا 30 اور حسین طلعت نے ایک رن بنایا۔جیڈن سیلز نے 6، گوڈاکیش موتی نے 2 اور روسٹن چیز نے ایک وکٹ حاصل کی۔
اس سے قبل ٹرینیڈاڈ کے برائن لارا سٹیڈیم میں 3 ایک روزہ میچز کی سیریز کے فیصلہ کن مقابلے میں پاکستان نے ٹاس جیت کر پہلے فیلڈنگ کا فیصلہ کیا۔
پہلے بیٹنگ کرتے ہوئے ویسٹ انڈیز نے مقررہ 50 اوورز میں 6 وکٹ پر 294 رنز بنائے اور پاکستان کو 295 رنز کا ہدف دیا۔
اننگز کی خاص بات مشکل حالات میں ویسٹ انڈیز کے کپتان شائی ہوپ کی سنچری رہی، انہوں نے 94 گیندوں پر 120 رنز کی ناقابل شکست اننگز کھیلی۔
ویسٹ انڈیز کے جسٹن گرویوز نے 24 گیندوں پر 43 رنز کی ناقابل شکست باری کھیلی جبکہ ایون لیوئس 37 اور روسٹن چیز 36 رنز بنا کر نمایاں رہے۔
نسیم شاہ، ابرار احمد نے 2، 2 جبکہ محمد نواز اور صائم ایوب نے 1، 1 وکٹ اپنے نام کی۔پاکستانی ٹیم میں ایک تبدیلی کی گئی ہے، شاہین شاہ آفریدی کی جگہ نسیم شاہ کو شامل کیا گیا.
Comments are closed.