فوٹو : فائل
لاہور : پی ٹی آئی رہنماوں یاسمین راشد، اعجاز چوہدری کو 10، 10 سال، صنم جاوید، عالیہ حمزہ کو 5، 5سال قید کی سزا سنا دی گئی، انسداد دہشت گردی عدالت نے 9 مئی کے دو مقدمات کا فیصلہ سناتے ہوئے شاہ محمود قریشی کو بری کر دیا.
لاہور انسداد دہشت گردی عدالت نے جناح ہاؤس کے قریب پولیس کی گاڑیاں جلانے اور شادمان پولیس اسٹیشن کو آگ لگانے کے مقدمات پر فیصلہ سنایا۔
دونوں مقدمات میں سابق گورنر عمر سرفراز چیمہ، سابق صوبائی وزیرڈاکٹر یاسمین راشد، میاں محمود الرشید اور اعجاز چوہدری کو دس، دس سال قید کی سزا سنائی جبکہ شاہ محمود قریشی کو بری کردیا.
عدالت نے عائشہ بھٹہ کو پولیس کی گاڑیاں جلانے کے مقدمے دس برس قید کی سزا سنا ئی۔ پولیس اسٹیشن کو آگ لگانے کے مقدمے میں 12 ملزمان جبکہ جناح ہاؤس کے قریب پولیس کی گاڑیاں جلانے کے مقدمے میں 6 ملزمان کو بری کرنے کا حکم دیا گیا۔
عدالت نے سہیل خان، اویس، رفیع الدین، فرید خان، سلمان احمد، عبدالقادر، فیضان، طیب، سلطان، شاہد بیگ، ماجد علی، بخت روان کو بری کرنے کا فیصلہ سنایا۔
عالیہ حمزہ اور صنم جاوید سمیت ضمانت پر رہا ہونے والے ملزمان فیصلہ سنانے کے وقت موجود نہیں تھے، عدالت نے چار ملزموں کو عمر ہونے پر بری کر دیا۔
شاہ محمود قریشی لاہور کے تینوں مقدمات سے بری جبکہ ڈاکٹر یاسمین راشد، اعجاز چوہدری ، عمر سرفراز چیمہ اور میاں محمود الرشید کو تینوں مقدمات میں سزا ہوئی ہے۔
واضح رہے کہ چند روز قبل انسداد دہشت گردی عدالت نے عمر ایوب، شبلی فراز سمیت دیگر افراد کو بھی 9 مئی جلاؤ گھیراؤ کے مقدمات میں سزائیں سنائی تھیں۔
Comments are closed.