فوٹو: سوشل میڈیا
واشنگٹن — فیلڈ مارشل عاصم منیر نے امریکا کا سرکاری دورہ کیا، جس میں انہوں نے اعلیٰ سیاسی و عسکری قیادت سے اہم ملاقاتیں کیں اور پاکستانی نژاد امریکی کمیونٹی سے بھی تبادلہ خیال کیا۔
یہ بات پاک فوج کے شعبہ تعلقات عامہ (آئی ایس پی آر) نے اپنے بیان میں بتائی۔
دورے کے دوران آرمی چیف نے پاکستانی تارکین وطن پر زور دیا کہ وہ پاکستان کے روشن مستقبل پر اعتماد رکھیں۔
فیلڈ مارشل نے ٹیمپا میں امریکی سینٹکام کے کمانڈر جنرل مائیکل کی ریٹائرمنٹ تقریب میں شرکت کرتے ہوئے ان کی خدمات کو خراجِ تحسین پیش کیا۔
اس موقع پر کمانڈ تبدیلی کی تقریب بھی ہوئی، جس میں ایڈمرل بریڈ کوپر نے کمان سنبھالی۔
آئی ایس پی آر کے مطابق فیلڈ مارشل عاصم منیر نے چیئرمین جوائنٹ چیفس آف اسٹاف جنرل ڈین کین سے ملاقات کی، جس میں باہمی پیشہ ورانہ دلچسپی کے امور پر گفتگو ہوئی۔
آرمی چیف نے جنرل کین کو پاکستان کے دورے کی دعوت بھی دی۔
فیلڈ مارشل عاصم منیر کا امریکا کا سرکاری دورہ، اعلیٰ سیاسی و عسکری قیادت سے اہم ملاقاتیں
Comments are closed.