بھارت کو امریکی صدر نے دھمکی دے دی، ڈیڈلائن سے قبل معاہدہ کرے، ڈونلڈ ٹرمپ

فوٹو : فائل

واشنگٹن : بھارت کو امریکی صدر نے دھمکی دے دی، ڈیڈلائن سے قبل معاہدہ کرے، ڈونلڈ ٹرمپ کا کہنا ہے کہ ایسا نہ کیا تو بھارت پر 25 فیصد ٹیکس عائد کردیا جائے گا۔

امریکی صدر ڈونلڈ ٹرمپ نے صحافیوں سے گفتگو میں کہا کہ بھارت نے اگر تجارتی معاہدہ نہ کیا تو اس پر 25 فیصد ٹیکس لگائیں گے۔

امریکی صدر کا کہنا ہے کہ ابھی تک امریکا اور بھارت کے درمیان تجارتی معاہدہ طے نہیں پایا ہے۔

انہوں نے کہا کہ بھارت ایک اچھا دوست رہا ہے، لیکن اس نے بنیادی طور پر تقریباً تمام ممالک سے زیادہ ٹیرف وصول کیے ہیں۔

واضح رہے کہ صدر ٹرمپ نے اپریل میں بھارتی مصنوعات پر 26 فیصد ٹیرف کے نفاذ کا اعلان کیا تھا جس پر عملدرآمد جولائی تک کے لیے ملتوی کر دیا گیا تھا۔

انہوں نے ایپل کو خبردار کیا تھا کہ اگر کمپنی نے اپنے آئی فونز امریکا میں تیار نہیں کیے تو اسے 25 فیصد ٹیرف کا سامنا کرنا پڑے گا جبکہ صدر ٹرمپ نے کار ساز کمپنی ٹیسلا کا مینوفیکچرنگ پلانٹ بھی بھارت میں لگنے سے رکوادیا تھا.