چیمپئنز ٹرافی، بنگلا دیش کی بھارت کے خلاف بیٹنگ جاری

فائل:فوٹو
دبئی: آئی سی سی چیمپئنز ٹرافی کے دوسرے میچ میں بنگلا دیش کی ٹاس جیت کربھارت کے خلاف بیٹنگ جاری ہے ۔
آئی سی سی چیمپئنز ٹرافی کے دوسرے میچ میں بنگلا دیش نے بھارت کیخلاف ٹاس جیت کر پہلے بیٹنگ کرنے کا فیصلہ کیا ہے۔
میگا ایونٹ کا دوسرا میچ دونوں ٹیموں کے درمیان دبئی انٹر نیشنل کرکٹ سٹیڈیم میں کھیلا جا رہا ہے جہاں بھارت کی کمان روہت شرما کے ہاتھوں میں ہے جبکہ بنگال ٹائیگرز کو نجم الحسن شانتو لیڈ کر رہے ہیں۔
ٹاس کے موقع پر گفتگو کرتے ہوئے بھارتی کپتان روہت شرما نے کہا ہر ٹیم گیم ٹورنامنٹ جیتنے کی کوشش کرتی ہے، ہم بھی یہی چاہتے ہیں، ٹاس ہو گیا اب ہمیں فوکس کرنا ہے کہ گیند کے ساتھ کس طرح کھیلنا ہے۔
اس موقع پر بنگلادیشی کپتان نجم الحسن شانتو نے کہا ہے کہ ٹیم کی تیاری سے خوش ہوں، ٹیم میں دو سپنرز اور 3 فاسٹ باوٴلرز کو شامل کیا ہے، اچھا ٹارگٹ سیٹ کر کے بھارت کو دباوٴ میں لانے کی کوشش کریں گے۔
بنگلا دیش کی ٹیم میں کپتان نجم الحسن شانتو، تنزید حسن، سومیا سرکار، توحید ہیرودے، مشفیق الرحیم، مہدی حسن میراز، جاکر علی، رشید حسین، تنظیم حسن ثاقب، تسکین احمد اور مستفیض الرحمان شامل ہیں۔
بھارتی ٹیم میں کپتان روہت شرما، شبمن گل، ویرات کوہلی، شیریاس ایئر، اکشر پٹیل، کے ایل راہول، ہاردک پانڈیا، راویندرا جڈیجا، ہرشیت رانا، محمد شامی اور کلدیپ یادویو شامل ہیں۔