فائل:فوٹو
کراچی: کراچی میں واٹرٹینکرکی ٹکرسےشہری جاں بحق،مشتعل افراد نے5ٹکرزکوآگ لگادی ایک اور موٹر سائیکل سوار شہری زندگی کی بازی ہار گیاجبکہ وزیرِ داخلہ سندھ ضیا لنجار نے جیل چورنگی کے پاس ٹینکرز جلانے کے واقعے کا نوٹس لیتے ہوئے پولیس حکام سے رپورٹ طلب کر لی۔
پولیس حکام کے مطابق جیل چورنگی سے حسن سکوائر جانے والے روڈ پر حادثہ تیز رفتاری کے باعث پیش آیا، حادثے کے بعد مشتعل افراد نے 5 واٹر ٹینکروں کو آگ لگا دی، تاہم فائر بریگیڈ نے ٹینکرز میں لگنے والی آگ کو بجھا دیا،۔حادثے میں جاں بحق ہونے والے شخص کی شناخت رشید کے نام سے ہوئی۔
ریسکیو حکام کے مطابق جاں بحق ہونے والے شخص کی نعش کو ہسپتال منتقل کر دیا جبکہ پولیس نے واقعے کی تفتیش شروع کر دی ہے۔
دوسری جانب وزیرِ داخلہ سندھ ضیا لنجار نے جیل چورنگی کے پاس ٹینکرز جلانے کے واقعے کا نوٹس لیتے ہوئے پولیس حکام سے رپورٹ طلب کر لی۔
ادھرپولیس نے ایک ڈمپر کو تحویل میں لے کر ڈمپر ڈرائیور سمیت دو افراد کو حراست میں لے لیا۔
پولیس کا کہنا ہے کہ حراست میں لئے گئے افراد میں اسماعیل اورانعام اللہ شامل ہے، ڈمپر نمبرٹی کے ٹی-772 کی مبینہ ٹکر سے موٹرسائیکل سوارشہری جاں بحق ہوا، حادثے کے بعد مشتعل افراد نے 5 واٹر ٹینکروں کو آگ لگائی تھی۔
یاد رہے کہ رواں سال یکم جنوری 2025 سے اب تک کراچی شہر میں مختلف ٹریفک حادثات میں اب تک 100 سے زائد شہریوں کی اموات رپورٹ ہو چکی ہیں جبکہ 1495 افراد زخمی ہوئے ہیں۔
Comments are closed.