فوٹو: سکرین شاٹ
لاہور: اداکارفیروزخان سوشل میڈیا بحث کے بعد مقابلے کےلئے باکسنگ رنگ تک پہنچ گئے، اداکارفیروزخان کویوٹیوبررحیم پردیسی نے باکسنگ میچ میں لہولہان کردیا،پے درپے مکوں کے وارسے فیروزخان کا خون بہنے لگا لیکن وہ پانچویں راونڈ تک مقابلہ کرتے رہے۔
یہ دلچسب اورسنسنی خیز فائٹ لاہور کے ایکسپو سینٹر میں ہوئی جہاں ایک تھرلر باکسنگ میچ میں یوٹیوبر رحیم پردیسی نے معروف اداکار فیروز خان کو شکست دے دی۔
یہ مقابلہ سوشل میڈیا پر دونوں کے درمیان ہونے والی گرم بحث کے بعد طے پایا تھا، جس میں رحیم نے فیروز کو 5 ویں راؤنڈز کے بعد ناک آؤٹ کردیا۔
رحیم پردیسی اور فیروز خان کے درمیان یہ باکسنگ میچ سوشل میڈیا پر ہونے والی ایک گرما گرم بحث کا نتیجہ تھا۔ دونوں نے زبانی جھگڑے کے بجائے باکسنگ رنگ میں معاملات طے کرنے کا فیصلہ کیا۔
فائٹ کی سامنے آنے والی تفصیلات کے مطابق فیروز خان نے رحیم کے چیلنج کو قبول کیا، اور 15 فروری کو یہ مقابلہ لاہور میں منعقد ہوا۔
مقابلے سے پہلے مشہور میوزک بینڈ ینگ اسٹنرز نے اپنی پرفارمنس سے حاضرین کے دلوں کو گرمایا۔ فیروز خان کی اہلیہ ڈاکٹر زینب، بہن حمائمہ ملک، اور بیٹا سلطان بھی ان کی سپورٹ کےلیے موجود تھے۔
رحیم پردیسی نے اپنی مہارت اور جوش کا مظاہرہ کیا، جبکہ فیروز خان ہانپتے ہوئے اور توجہ کھوتے ہوئے نظر آئے۔ پانچویں راؤنڈ میں رحیم نے فیروز کو ناک آؤٹ کردیا، اور میچ 1 کے مقابلے میں 4 پوائنٹس سے جیت لیا۔
View this post on Instagram
اداکار فیروز خان کے چہرے پر زخم بھی آئے، لیکن دونوں نے ایک دوسرے کے لیے احترام کا مظاہرہ کیا،مقابلے کے بعد دونوں نے رنگ میں گلے ملے اور ایک دوسرے کی کارکردگی کی تعریف کی۔
رحیم نے فیروزخان کی ہمت کو سراہا، جبکہ فیروز نے رحیم کی مہارت کو تسلیم کیا،اس حوالے سےفیروز کی بہن حمائمہ ملک نے انسٹاگرام اسٹوری پر اپنے بھائی کی تصویر شیئر کرتے ہوئے لکھا، ’’آپ میرے لیے زندگی بھر کے فاتح ہو، شاباش بھائی۔‘‘ انہوں نے فیروز کی ہمت اور لگن کی تعریف کی۔
مقابلے کے حوالے سےفیروز کی اہلیہ ڈاکٹر زینب نے انسٹاگرام پر ایک پوسٹ شیئر کرتے ہوئے لکھا، ’’مجھے اپنے شوہر فیروز خان پر بے حد فخر ہوں۔ پہلی بار رنگ میں اترے، ایک مشکل مخالف کا سامنا کیا، اور دوسرے ہی راؤنڈ میں خون بہنے کے باوجود پانچویں راؤنڈ تک لڑتے رہے۔ یہ ایک اصل جنگجو کا جذبہ ہے۔‘‘
زینب نے مزید کہا، ’’فتح صرف اسکورز سے نہیں ہوتی۔ نتیجے سے کچھ نہیں ہوتا، جو اصل چیز ہے وہ ہمت، لگن، اور وہ جذبہ ہے جو آپ نے دکھایا۔ آپ میری نظر میں ہمیشہ ایک چیمپئن ہو۔‘‘
زینب کی پوسٹ پر فیروز نے کمنٹ کرتے ہوئے اپنی اہلیہ کے لیے محبت بھرا پیغام دیا۔ ان کی بہنیں دعا ملک اور حمائمہ ملک بھی پیار اور تعریف کے جذبات کا اظہار کرتی نظر آئیں۔
Comments are closed.