فوٹو : سوشل میڈیا
کراچی : پاکستان کی ٹاس جیت کر نیوزی لینڈ کیخلاف بیٹنگ جاری، بغیر نقصان 11 رنز پہلے اوور میں 10 رنز بنے جو فخر زمان نے بنائے، بابراعظم ایک پر، تین ملکی سیریز کے فائنل میچ میں کپتان محمد رضوان نے ٹاس جیت کر پہلے بیٹنگ کرنے کا فیصلہ کیا ہے۔
کراچی کے نیشنل بینک کرکٹ ایرینا میں ٹاس کے بعد گفتگو کرتے ہوئے پاکستان کرکٹ ٹیم کے کپتان محمد رضوان نے کہا کہ پِچ بیٹنگ کے لیے سازگار لگ رہی ہے اس لیے پہلے بیٹنگ کا فیصلہ کیا۔
محمد رضوان نے بتایا کہ فائنل میچ کے لیے ٹیم میں ایک تبدیلی کی ہے، محمد حسنین کی جگہ فہیم اشرف کو شامل کیا گیا ہے، آج نیا دن ہے، ٹرافی اپنے نام کریں گے۔
نیوزی لینڈ کرکٹ ٹیم کے کپتان مچل سینٹنر نے کہا کہ ٹیم میں 2 تبدیلیاں کی ہیں۔ میٹ ہنری اور بین سیئرز کی جگہ جیکب ڈفی اور نیتھن اسمتھ کو ٹیم میں شامل کیا گیا ہے۔
مچل سینٹنر نے کہا کہ آج پِچ پر گھاس کم نظر آ رہی ہے، ہائی اسکورنگ میچ ہوگا، وکٹ عمومی طور پر اچھی لگ رہی ہے، اچھی بولنگ کرانے کی کوشش کریں گے۔
پاکستان ٹیم میں فخر زمان، بابر اعظم، سعود شکیل، محمد رضوان، سلمان علی آغا، طیب طاہر، فہیم اشرف، خوشدل شاہ، شاہین شاہ آفریدی، نسیم شاہ اور ابرار احمد ٹیم میں شامل ہیں۔
Comments are closed.