سہ ملکی سیریز ، جنوبی افریقہ کی پاکستان کیخلاف ٹاس جیت کر بیٹنگ جاری

فائل:فوٹو
کراچی: سہ ملکی سیریز کے تیسرے میچ میں جنوبی افریقہ کی پاکستان کیخلاف ٹاس جیت کر بیٹنگ جاری ہے۔
نیشنل سٹیڈیم کراچی میں کھیلے جارہے میچ میں اوپنر ٹونی ڈی زورزی اور کپتان ٹیمبا باووما نے 50 رنز کی اوپننگ پارٹنرشپ قائم کی تاہم ڈی زورزی 22 رنز بناکر شاہین آفریدی کا شکار بنے، پاکستان کی جانب سے شاہین شاہ آفریدی نے واحد وکٹ حاصل کی۔
قبل ازیں ٹاس جیتنے کے بعد جنوبی افریقی کپتان ٹیمبا باووما نے گفتگو کرتے ہوئے کہا ہے کہ ٹیم میں 4 تبدیلیاں کی گئی ہیں، پہلے میچ میں شکست سے سیکھا ہے، نوجوان کھلاڑیوں کو موقع دیا تھا، آج بھرپور ٹیم کیساتھ میزبان پر اٹیک کریں گے، پچ بیٹنگ کیلئے ساز گار ہے۔
اس موقع پر قومی ٹیم کے کپتان محمد رضوان کا کہنا تھا کہ جنوبی افریقا کے خلاف سکواڈ میں 2 تبدیلیاں کی گئی ہیں، میچ میں کامیابی حاصل کرنے کی کوشش کریں گے تاکہ ٹورنامنٹ کے فائنل میں جگہ بنائیں، ہم ٹاس جیتتے تو پہلے بیٹنگ ہی کرتے۔
پاکستان ٹیم میں دو تبدیلیاں کی گئی ہیں، کامران غلام کی جگہ سکواڈ میں سعود شکیل کو شامل کیا گیا ہے جبکہ فاسٹ باوٴلر محمد حسنین بھی فائنل الیون کا حصہ ہیں۔
پاکستان الیون میں فخر زمان ، بابر اعظم، سعود شکیل ، محمد رضوان اور سلمان آغا شامل ہیں، ان کے علاوہ طیب طاہر، خوشدل شاہ، شاہین ا ٓفریدی، محمد حسنین، نسیم شاہ اور ابرار احمد بھی ٹیم میں شامل ہیں۔