فائل:فوٹو
واشنگٹن:پاکستان پیپلز پارٹی کے چیئرمین بلاول بھٹو زرداری نے کہا ہے کہ پاکستان و امریکا کے عوامی رابطے مضبوط کیے جانے چاہئیں۔
بلاول بھٹو زرداری نے قومی دعائیہ ناشتے کی تقریب میں پاکستانی میڈیا نمائندگان سے گفتگو کرتے ہوئے بتایا کہ تقریب میں امریکی حکام سمیت دنیا بھر کے رہنماو?ں سے اہم ملاقاتیں کیں۔
بلاول بھٹو زرداری نے بتایا کہ امریکا میں ہونے والے قومی دعائیہ ناشتے کی تقریب میں دنیا بھر سے اہم ترین شخصیات موجود تھیں، امریکی صدر نے خطاب بھی کیا۔
قبل ازیں واشنگٹن میں قومی دعائیہ ناشتے کی تقریب سے چیئرمین پیپلز پارٹی بلاول بھٹو زرداری نے بھی خطاب کیا۔بلاول بھٹو نے کہا کہ مذہب کو تقسیم کرنے کی بجائے متحد کرنے کے لیے استعمال کیا جانا چاہیے۔
واشنگٹن میں نیشنل پریئر بریک فاسٹ کی تقریب سے خطاب میں انہوں نے کہا کہ یہ بریک فاسٹ بین المذاہب ہم ا?ہنگی کا ایک بہت اچھا موقع ہے۔
بلاول بھٹو نے کہا کہ لوگوں کے ساتھ برابر کی سطح پر برتاؤ کرنا چاہیے، ہر مسلمان حضرت عیسیٰ علیہ السلام کا ماننے والا ہے، یہ قومی دعائیہ تقریب نہیں عالمی دعائیہ تقریب ہے۔انہوں نے میڈیا سے گفتگو میں بتایا کہ میری اراکینِ کانگریس سے بھی ملاقاتیں ہوئیں، اب میں وزیر خارجہ نہیں تاہم تمام ملاقاتیں ذاتی حیثیت میں کیں۔
چیئرمین پیپلز پارٹی نے بتایا کہ تقریب میں دنیا بھر سے لوگ شریک ہوئے، امریکی صدر ٹرمپ نے اختتامی خطاب بھی کیا۔
Comments are closed.