فوٹو: فائل
اسلام آباد : جنوبی افریقہ کے سابق کپتان اے بی ڈی ویلیئرز نے 4 سال بعد کرکٹ کے میدانوں میں واپسی کا اعلان کردیا ہے اور یواے بی ڈی ویلیئرزکو کرکٹ کاعشق 4سال بعد واس گراونڈزمیں کھینچ لایا ہے۔
جنوبی افریقہ کے سابق کپتان اورلیجنڈ کرکٹر اے بی ڈی ویلیئرز نے نومبر 2021 میں تمام طرز کی کرکٹ سے ریٹائرمنٹ کا اعلان کیا تھا۔
منگل کو ڈی ویلیئرز نے کرکٹ میں اپنی واپسی کا اعلان کرتے ہوئے اس بات کی تصدیق کی کہ وہ ورلڈ چیمپئن شپ آف لیجنڈز ( ڈبلو سی ایل ) کے دوسرے ایڈیشن میں ساؤتھ افریقہ چیمپئنز کی قیادت کریں گے۔
ورلڈ چیمپئن شپ آف لیجنڈز ایک پریمیئر ٹی 20 ٹورنامنٹ ہے جس میں ریٹائرڈ کرکٹ لیجنڈز کھیلتے ہیں۔
ڈی ویلیئرز کی واپسی کی خبر نے ان کے مداحوں میں جوش و خروش کو جنم دیا ہے اور شائقین ان کو دوبارہ ایکشن میں دیکھنے کے لیے بے چین ہیں۔
جنوبی افریقہ چیمپئنز کے شریک مالک اور گیم چینجرز کے بانی امندیپ سنگھ نے کہا کہ اے بی ڈی ویلیئرز کی بطور کپتان واپسی ہماری ٹیم کے لیے فائدہ مند ہوگی۔
ان کی قیادت بلاشبہ ہمیں نئی بلندیوں تک لے جائے گی،یاد رہے کہ ڈبلیو سی ایل کا دوسرا ایڈیشن اس سال جولائی میں کھیلا جائے گا۔
Comments are closed.