آئی سی سی نے کرکٹ چمپئن ٹرافی کےلئے ہائبرڈ ماڈل کی منظوری دیدی، اعلان کل متوقع

فوٹو: فائل

دبئی: آئی سی سی نے کرکٹ چمپئن ٹرافی کےلئے ہائبرڈ ماڈل کی منظوری دیدی، اعلان کل متوقع ہے، بھارتی میڈیا رپورٹس کے مطابق پاکستان اور بھارت اس ایونٹ کے علاوہ مستقبل کے ایونٹس کے انعقاد پر بھی متفق ہو گئے ہیں۔

اس حوالے سے بھارتی میڈیارپورٹس میں کہا گیاہے کہ پاکستان ٹیم 2026 کے ٹی 20 ورلڈ کپ کے لیے بھارت نہیں جائے گی، چیمپئنز ٹرافی 2025 کے مقابلے پاکستان اور دبئی میں کھیلے جائیں گے۔

رپورٹس میں دعویٰ کیا گیاہے کہ پی سی بی اور بی سی سی آئی بھارت کے مقابلے دبئی میں کرانے پر رضامند ہے جبکہ ٹی 20 ورلڈ کپ 2026 میں پاکستان اور بھارت کا مقابلہ کولمبو میں ہوگا۔

پی سی بی اس معاہدے کے لیے کوئی مالی معاوضہ وصول نہیں کرے گا، چیمپئنز ٹرافی کے مقابلے پاکستان میں تین وینیوز اور بھارت کے مقابلے دبئی میں ہوں گے۔

اس بات پر بھی اتفاق ہوگیاہے کہ پاکستان کو 2027 کے آئی سی سی ویمنز ٹورنامنٹ کی میزبانی بھی ملے گی۔

دوسری طرف نجی ٹی وی اے آروائی کی رپورٹ کے مطابق ابھی ایگریمنٹ نہیں ہوا ہے پاکستان مالی معاوضہ مانگ رہا ہے، پاکستان نے جتنا خرچہ کیا ہے اس پر انہیں زر تلافی چاہیے۔

نجی ٹی وی کے مطابق بھارتی براڈ کاسٹر یہ مطالبہ کررہے کہ اب یہ ٹورنامنٹ 50 اوورز کے بجائے ٹی 20 فارمیٹ پر کروایا جائے کیونکہ وقت کم رہ گیا ہے انتظامات کرنے میں مشکل ہوگی۔

پاکستان کا مطالبہ مان لیا گیا ہے اور بھارت پورا زور لگانے کے بعد ہائیبرد ماڈل ماننے پر آمادہ ہوا ہے، ذرائع کے مطابق پاکستان تاحال معاوضہ سے دستبردار نہیں ہوا اور کل اعلان متوقع ہے.