فوٹو: فائل
دبئی : پاکستان انڈر19 ایشیا کپ کے سیمی فائنل میں پہنچ گیا،پیر کوکھیلے گئے میچ میں پاکستان نے یواے ای کو 69رنزسےہرادیا، شاہزیب کی دوسرے میچ بھی شاندارسنچری کی بدولت 314 رنزکا بڑا ٹوٹل کیا۔
دبئی کے انٹرنیشنل اسٹیڈیم میں کھیلے گئے میچ میں پاکستان کی جانب سے دیے گئے 315 رنز کے تعاقب میں یزبان ٹیم 245 رنز بناسکی اور یوں پاکستان نے میچ 69 رنز سے جیت لیا۔
بھارت کے خلاف پہلے میچ میں 159 رنز کی جارحانہ اننگز کھیلنے والے شاہ زیب خان نے متحدہ عرب امارات کے خلاف بھی 132 رنز کی دلکش اننگز کھیلی۔
ان کے علاوہ محمد ریاض اللہ نے بھی 106 رنز بنائے۔ عثمان خان 41 رنز بنا کر آؤٹ ہوئے، فہام الحق 20 رنز کے ساتھ ناٹ آؤٹ رہے،یو اے ای کی جانب سے نور اللہ ایوبی نے دو اور ادیش سوری نے ایک وکٹ حاصل کی۔
امارات کی ٹیم 315 رنز کے تعاقب میں 245 رنز پر ڈھیر ہوئی، ڈی سوزا کی 81 رنز کی اننگز بھی یو اے ای کے کام نہ آسکی۔ محمد ریان نے 50 رنز بنائے،ادیش سوری 29 رنز بنا کر آؤٹ ہوئے، کپتان ایان افضل 15 رنز بنا کر پویلین لوٹ گئے۔
پاکستان کی جانب سے عبدالسبحان نے تباہ کن بولنگ کرتے ہوئے 6 وکٹیں حاصل کیں، محمد احمد دو وکٹیں حاصل کرسکے۔
ایشیاکپ کے پہلے میچ میں پاکستان نے بھارت کو شکست دی تھی جب کہ دوسرے میں یو اے ای کوہرا کر ایونٹ کے سیمی فائنل تک رسائی حاصل کرلی۔
Comments are closed.