فائل:فوٹو
بلاوائیو: پاکستان اور زمبابوے کی ٹیموں کے مابین دوسرے ایک روزہ میچ میں زمبابوے کی پاکستان کیخلاف پہلے بیٹنگ جاری ہے ۔زمبابوے نے 9اوورز میں 2وکٹو ں کے نقصان پر 44رنز بنالئے ہیں ۔
قبل ازیں تین میچز کی سیریز کے دوسرے ایک روزہ میچ میں میزبان زمبابوے نے پاکستان کیخلاف ٹاس جیت کر پہلے بیٹنگ کرنے کا فیصلہ کیا ۔
دونوں ٹیموں کے درمیان میچ بلاوائیو کرکٹ گراوٴنڈ میں کھیلا جا رہا ہے، زمبابوے کو تین میچز کی سیریز میں ایک صفر کی برتری حاصل ہے۔
بارش سے متاثرہ پہلے ون ڈے انٹر نیشنل میں زمبابوے نے پاکستان کو ڈک ورتھ لوئس سسٹم کے تحت 80 رنز سے شکست دی تھی، زمبابوے کو پاکستان کے خلاف پہلی بار ون ڈے سیریز میں کامیابی حاصل کرنے کیلئے آج کا میچ جیتنا ہو گا۔
دوسرے ایک روزہ میچ کیلئے قومی ٹیم میں 2 تبدیلیاں کی گئی ہیں، حسیب اللہ کی جگہ طیب طاہر اور محمد حسنین کی جگہ ابرار احمد کو ٹیم میں شامل کیا گیا ہے، دونوں کھلاڑیوں کا آج ڈیبیو ہوا ہے۔
قومی ٹیم میں صائم ایوب، عبداللہ شفیق، کامران غلام، محمد رضوان، سلمان علی آغا، طیب طاہر، عرفان خان نیازی، عامر جمال، حارث روف، فیصل اکرم اور ابرار احمد شامل ہیں۔
Comments are closed.