وفاقی کابینہ کا آج ہونے والا اجلاس بھی ملتوی

فائل:فوٹو
اسلام آباد: حکومت نے وفاقی کابینہ کا آج ہونے والا اجلاس بھی ملتوی کر دیا۔

وزیراعظم شہباز شریف کی زیر صدارت وفاقی کابینہ کا اجلاس آج ہونا تھا جس میں آئینی ترامیم کی منظوری دی جانی تھی۔

مولانا فضل الرحمان کی جانب سے حمایت نہ ملنے پر کابینہ اجلاس ملتوی کیا گیا۔

ذرائع کے مطابق خصوصی کمیٹی میں آئینی ترامیم پر اتفاق رائے کے بعد ہی حتمی فیصلہ ہوگا۔آئینی ترمیم پر اتفاق رائے کے بعد ہی مسودہ قومی اسمبلی اورسینٹ میں پیش کیاجائے گا۔

ذرائع کاکہناہے کہ مولانافضل الرحمان کی کوشش ہے کہ آئینی ترامیم پر متفقہ فیصلہ ہو، آئینی ترامیم پرخصوصی کمیٹی میں گفتگوجاری ہے کمیٹی میں جب فیصلہ ہوجائے گااورمولانافضل الرحمان راضی ہوجائیں گے تو یہ بل کابینہ میں پیش ہوگااورپھر قومی اسمبلی اورسینٹ میں پیش کیاجائے گا۔

ذرائع کے مطابق قومی اسمبلی میں آج معمول کی کارروائی ہوگی، اجلاس میں تین نکاتی ایجنڈے پر ہی غور کیا جائے گا، عدالتی اصلاحاتی پیکج آج پیش نہیں کیا جا سکے گا۔