فائل:فوٹو
اسلام آباد: تحریک انصاف کے گرفتار 10 ارکان اسپیکر قومی اسمبلی کی طرف سے پروڈکشن آرڈرز جاری ہونے پر اجلاس میں پہنچ گئے ہیں۔
قومی اسمبلی کا اجلاس ڈپٹی اسپیکر سید میر غلام مصطفیٰ شاہ کی صدارت جاری ہے۔
پی ٹی آئی کے 10 ارکان میں وقاص اکرم شیخ، زین قریشی، ملک اویس جھکڑ، ملک عامر ڈوگر، احمد چھٹہ، زبیر خان وزیر، سید احد علی شاہ، سید نسیم علی شاہ، شیر افضل مروت اور یوسف خان شامل ہیں۔
گرفتار ارکان کو قائم مقام سارجنٹ ایٹ آرمز فرحت عباس کے حوالے کیا جائے گا۔
قومی اسمبلی اجلاس میں گرفتار ارکان اپنی گرفتاری کی کہانی سنائیں گے کہ انہیں کہاں سے گرفتار کیا گیا۔ اجلاس کے بعد دوبارہ پارلیمنٹ کی سیکیورٹی اسلام آباد پولیس کے حوالے کر دے گی۔
یاد رہے کہ گرفتار دس ارکان جسمانی ریمانڈ پر پولیس کے حوالے ہیں۔
Comments are closed.