فوٹو: ایکس پی سی بی
لاہور: ٹی 20 ورلڈ کپ کےلئے پاکستان کے 15 رکنی اسکواڈ کا اعلان کردیا گیا ، پاکستان کرکٹ بورڈ نے کافی انتظار کے بعد اسکواڈ کااعلان کیا۔
آئی سی سی ٹی 20 ورلڈ کپ 2024 میں بابر اعظم ٹیم کی قیادت کریں گے، 15 رکنی اسکواڈ میں ، محمد رضوان، صائم ایوب، عثمان خان، فخر زمان شامل ہیں۔
اعظم خان، افتخار احمد، آل راؤنڈر عماد وسیم، شاداب خان، ابرار احمد بھی اسکواڈ کا حصہ ہیں جب کہ فاسٹ بولرز حارث رؤف، محمد عامر، شاہین آفریدی، عباس آفریدی، نسیم شاہ ٹیم میں شامل ہیں۔
پی سی بی کا کہنا ہے کہ فاسٹ بولر حارث رؤف مکمل فٹ، نیٹ میں بولنگ کررہے ہیں،ٹیم کے ساتھ ٹریولنگ ریزرو نہیں رکھے گئے ہیں، یہ بہت ہی ہنرمند اور متوازن اسکواڈ ہے۔
واضح رہے کہ ٹی 20 ورلڈ کپ کا آغاز دو جون سے امریکا اور ویسٹ انڈیز میں ہوگا، قومی ٹیم اپنا پہلا میچ 6 جون کو میزبان امریکا کے خلاف کھیلے گی جبکہ 9 جون کو پاک بھارت ٹیمیں مدمقابل آئیں گی۔
Comments are closed.