نئے آئی ایم ایف پروگرام سے قبل پی آئی اے کی نجکاری کا فیصلہ

فائل:فوٹو
اسلام آباد:نئے آئی ایم ایف پروگرام سے قبل قومی ایئر لائن( پی آئی اے) کی نجکاری کرنے کا فیصلہ کر لیا گیا۔

ذرائع کے مطابق قومی ایئر لائن کی نجکاری آئی ایم ایف کی شرائط کے مطابق ہو گی، جون تک پی آئی اے کی نجکاری کیلئے ایل او آئی جاری کیا جا سکتا ہے۔

جون یا جولائی کے دوران نجکاری کا پراسس مکمل کر لیا جائے گا، پی آئی اے کا نقصان اور قرض 700 ارب روپے تک پہنچ چکا ہے، قومی ایئرلائن کے ذمے کمرشل بینکوں کا 270 ارب روپے تک قرض واجب الادا ہے۔

پی آئی اے حکومت کی ساڑھے 300، ایف بی آر اور پی ایس او کی بھی نادہندہ ہے۔

پی آئی اے بورڈ اجلاس نے قومی ایئر لائن کی نجکاری کی توثیق کردی، پی آئی اے نے پاکستان سٹاک ایکسچینج کو خط کے ذریعے فیصلے سے آگاہ کر دیا۔