کمشنر راولپنڈی لیاقت علی چٹھہ کا انتخابات میں دھاندلی کرانے کا اعتراف، استعفیٰ دیدیا

فائل:فوٹو
راولپنڈی: انتخابات میں مبینہ دھاندلی کی گواہی آگئی، کمشنر راولپنڈی لیاقت علی چٹھہ کا انتخابات میں دھاندلی کرانے کا اعتراف، استعفیٰ دیدیا۔

کمشنر راولپنڈی لیاقت علی چٹھہ نے پنڈی کرکٹ سٹڈیم پریس کانفرنس کرتے ہوئے کہا کہ راولپنڈی ڈویژن میں انتخابی دھاندلی کی ذمہ داری قبول کرتا ہوں اوراپنے آپ کو پولیس کے حوالے کرتا ہوں۔

راولپنڈی کرکٹ اسٹیڈیم میں پریس کانفرنس کرتے ہوئے کمشنر راولپنڈی لیاقت علی چٹھہ نے انتخابی بے ضابطگیوں پر مستعفی ہونے کا اعلان کیا ہے۔انہوں نے کہا کہ ہم نے ہارے ہوئے امیدواروں کو پچاس پچاس ہزار کی لیڈ میں تبدیل کردیا ہے۔

کمشنر راولپنڈی نے مزید کہا کہ میں راولپنڈی ڈویژن میں نا انصافی کی ہے۔مجھے راولپنڈی کچہری چوک میں پھانسی دے دینی چاہئے۔میں راولپنڈی ڈویژن میں انتخابی دھاندلی کی ذمہ داری قبول کرتا ہوں ۔میں انتخابی دھاندلی پر اپنے آپ کو پولیس کے حوالے کرتا ہوں۔

کمشنر راولپنڈی لیاقت علی چٹھہ کا کہنا تھا کہ میں اپنے ضمیر کا بوجھ اتار رہا ہوں ، آج صبح نماز کے وقت خودکشی کی بھی کوشش کی۔