فوٹو: فائل
پشاور: نوازشریف خیبرپختونخوا کےعوام کو بے وقوف کہنے پر معافی مانگیں،اے این پی نے مسلم لیگ ن کے قائد نوازشریف کے بیان کی شدید الفاظ میں مذمت کی ہے۔
اس حوالے سے اے این پی کی ترجمان ثمربلور نے کہا کہ مسلم لیگ ن کے قائد اور تین بار وزیراعظم پاکستان کے عہدے پر رہنے والے شخص کو یہ زیب نہیں دیتا کہ ایک صوبے کے عوام کو بیوقوف کہے۔
ثمر بلوکا کہنا تھا، یہ الفاظ ایسے وقت کہے گئے جب انکی بیٹی اسی صوبے میں انتخابی مہم چلارہی تھیں، یہ لوگ کس منہ سے یہاں آکر ووٹ مانگیں گے۔
بے کار کا لوگوں کو بے وقوف بنایا ہوا ہے اور چند لوگ ہمارے بے وقوف بھی بن جاتے ہیں آسانی کیساتھ سب کی بات نہیں کرتا سب سے آسانی کیساتھ بے وقوف خیبر پختونخوا کے بن جاتے ہیں یہ بیماری ادھر سے آئی ہے انہیں سمجھنا چاہئے کہ انہوں کس طرح کے بندے کو موقع دیا۔ نوازشریف pic.twitter.com/9HYIdLSq1j
— Muhammad Faheem (@MeFaheem) January 27, 2024
ثمربلور نے کہا کہ ماضی میں اسی جماعت نے ہمارے حقوق دینے سے انکار کیا تھا اور رہبرتحریک خان عبدالولی خان نے اتحاد سے نکلنے کا اعلان کیا، شاید آج نوازشریف صاحب ایک بار پھر تاریخ دہرارہے ہیں۔
ترجمان اے این پی نے کہا ہمیں معلوم ہے کہ پنجاب کا ڈومیسائل رکھنے والا ہر شخص اس ملک میں معزز سمجھا جاتا ہے لیکن پختونخوا کے عوام کے نمائندے ابھی موجود ہیں۔
انہوں نے مزید کہا کہ ہم اس عمل کی نہ صرف مذمت کرتے ہیں بلکہ مطالبہ کرتے ہیں کہ نوازشریف صاحب اپنے الفاظ واپس لے کر پوری قوم سے معافی مانگیں۔
Comments are closed.