میرے خاندان ، رشتہ دار آج بھی مجھے شعیب ملک کی بیوی سمجھتے ہیں ،عائشہ عمر

فائل:فوٹو

کراچی: شوبز انڈسٹری کی معروف اداکارہ و ماڈل عائشہ عمر کاکہناہے کہ میرے خاندان والے اور دور کے رشتہ دار آج بھی یہی سمجھتے ہیں کہ میں نے شعیب ملک سے شادی کرلی ہے اور میں اْن کی بیوی ہوں۔

معروف اداکارہ و ماڈل عائشہ عمر کا پْرانا ویڈیو کلپ سوشل میڈیا پر وائرل ہورہا ہے جس میں اْنہوں نے قومی کرکٹر شعیب ملک کے ساتھ اپنی شادی کی خبروں پر ردعمل دیا تھا۔

20 جنوری کو شعیب ملک نے اداکارہ ثنا جاوید کے ساتھ اپنی دوسری شادی کا اعلان کیا جس کے بعد سے سوشل میڈیا پر کچھ پْرانی ویڈیوز وائرل ہورہی ہیں جن میں کچھ ویڈیوز ثنا جاوید اور شعیب ملک کی ہیں جبکہ ایک ویڈیو عائشہ عْمر کی بھی ہے جس میں وہ کرکٹر کے ساتھ اپنے تعلقات کے بارے میں بات کررہی ہیں۔

شعیب ملک اور عائشہ عمرکے درمیان تعلقات کی خبر اْس وقت سامنے آئی تھی کہ جب کرکٹر کا عائشہ عمرکے ساتھ رومانوی فوٹو شوٹ وائرل ہوا تھا، اس فوٹو شوٹ کے بعد کہا جارہا تھا کہ شعیب ملک اور عائشہ کے درمیان تعلقات قائم ہیں اور دونوں بہت جلد شادی کرنے والے ہیں۔

ان افواہوں سے تنگ آکر عائشہ عمرنے عفت عمرکے پوڈکاسٹ میں شرکت کی تھی جہاں اْنہوں نے اپنی اور شعیب ملک کی شادی سے متعلق تمام خبروں کی تردید کی تھی۔

https://www.instagram.com/reel/C2VBfUVgzpB/?igsh=MWZ2cG93N3M0eWZtdA==

اسی پوڈکاسٹ کا ایک ویڈیو کلپ سوشل میڈیا پر وائرل ہورہا ہے جس میں عائشہ عْمر کہتی ہیں کہ “اکثر میری نجی تصاویر سوشل میڈیا پر وائرل ہوتی ہیں تو لوگ مجھ سے متعلق جھوٹی افوائیں پھیلانا شروع کردیتے ہیں، لوگوں نے تو شعیب ملک کے ساتھ میری شادی کروادی تھی”۔

عائشہ عمرنے کہا کہ “میرے خاندان والے اور دور کے رشتہ دار آج بھی یہی سمجھتے ہیں کہ میں نے شعیب ملک سے شادی کرلی ہے اور میں اْن کی بیوی ہوں”۔

اْنہوں نے مزید کہا کہ “جو لوگ مجھے جانتے ہیں کہ اْنہیں میری چوائس (انتخاب)، میرے اقتدار اور میرے اصولوں کے بارے میں اچھی طرح معلوم ہے”۔

یاد رہے کہ شعیب ملک نے سال 2010 میں بھارتی ٹینس اسٹار ثانیہ مرزا سے پہلی شادی کی تھی، دونوں کا ایک بیٹا اذہان مرزا ملک ہے جس کی پیدائش 2018 میں ہوئی تھی۔

دسمبر 2022 سے شعیب ملک اور ثانیہ مرزا کی طلاق کی خبریں سوشل میڈیا پر زیرِ گردش تھیں لیکن دونوں اسٹارز کی جانب سے طلاق کی تردید یا تصدیق نہیں کی گئی تھی، تاہم اب شعیب ملک کی دوسری شادی کے بعد ثانیہ مرزا کے والد نے اْن کی بیٹی کی طلاق کی تصدیق کردی ہے۔