فوٹو: فائل
راولپنڈی: عوامی مسلم لیگ کے سربراہ شیخ رشید کے پنڈی کے 2 حلقوں سے کاغذات نامزدگی مسترد کردیئے گئے ہیں جس پر سابق وزیرداخلہ نے سپریم کورٹ جانے کااعلان کردیا ہے
سربراہ عوامی مسلم لیگ شیخ رشید احمد کے این اے 56/57 سے اپنے کاغذات نامزدگی مسترد کئے گئے ہیں،شیخ رشید نے ردعمل میں ویڈیو بیان جاری کیا جس میں کہا کہ آر او نے آدھے گھنٹے کے نوٹس پر بلایا۔
انھوں نے کہا کہ الزام لگا کہ مری ریسٹ ہاؤس ٹھہرا اور پیسے ادا نہیں کیئے حالانکہ میں اج تک مری کے ریسٹ ہاوس میں ٹھہرا ہی نہیں ہوں، اپیل کروں گا اور سپریم کورٹ تک جاؤں گا۔
سربراہ عوامی مسلم لیگ شیخ رشید احمد اور شیخ راشد شفیق کے NA/56اور NA/57سے کاغذ نامزدگی مسترد ہونے پر شیخ رشید احمد کا ویڈیو پیغام جاری pic.twitter.com/1elwS88sD7
— Sheikh Rashid Ahmed (@ShkhRasheed) December 30, 2023
قومی اسمبلی کے حلقہ این اے 56 اور 57 سے کاغذات نامزدگی مسترد ہونے کے فوری بعد شیخ رشید نے کہا کہ آدھے گھنٹے کے ہنگامی نوٹس پر قابل احترام آر او نے مجھے آج کمشنر آفس طلب کیا۔
مری ریسٹ ہاوس کے حوالے سے جو الزام لگا اس کے پیسے دینے کے لیئے تیار ہوں، ایک زمین کے مچلکے ڈکلیئر نہ ہونے کا الزام بھی لگایا گیا میری اپنی جو بھی زمین ہے میرے نام پر ہے۔
ان کا کہنا تھا سپریم کورٹ نے زمین کے کاغذات کے معاملے میں میرے حق میں فیصلہ دیا، میرے اوپر ٹیکس چھپانے کا بھی الزام لگایا ، آج تک ٹیکس نہیں چھپایا ہے۔ مجھے نااہل کیا گیا مجھے نا اہلی قبول ہے۔
شیخ رشید احمد نے کہا میں کئی مرتبہ وزیر رہا 94 ہزار کی کرپشن کیوں کروں گا، کل اپیل کروں گا غیر ذمہ درانہ الزام واپس لیں، میں عدالتوں کا دروازہ کھٹکھٹاؤں گا انشاءاللہ این اے 56 اور 57 سے قلم دوات ہی جیتے گی۔
Comments are closed.