تحریک انصاف کا منفرد،کامیاب ورچوئل جلسہ،رہنماوں کے خطابات،دنیا بھر سے کارکن شریک ہوئے

فوٹو: ایکس

کراچی: تحریک انصاف کا منفرد،کامیاب ورچوئل جلسہ،رہنماوں کے خطابات،دنیا بھر سے کارکن شریک ہوئے، ملک بھر میں جلسہ شروع ہونے سے کچھ دیر پہلے ہی نیٹ سروس سلو ہو گئی خاص کر سوشل میڈیا ایپس رینگنے لگ گئیں.

اپنی نوعیت کا منفرد’’ورچوئل جلسہ‘‘ گزشتہ رات 9بجے کے بعد شروع ہوا جس سے مرکزی اور صوبائی قیادت نے خطاب کیا، سوشل میڈیا پلیٹ فارم ایکس پر پی ٹی آئی نے پاکستانی تاریخ کے پہلے ورچوئل جلسے کا اعلان پہلے سے کر رکھا تھا.

آن لائن جلسے سے تحریک انصاف کے متعدد روپوش رہنماؤں نے بھی خطاب کیا ہے۔سینیٹر اعظم خان سواتی نے اپنے خطاب میں کہا کہ عمران خان کی ہدایت پر وہ گذشتہ سات ماہ سے روپوشی کی زندگی بسر کر رہے ہیں۔

کہا ‘وہ اپنے گھر اور پیاروں سے اس عمر اور اس سرد موسم میں کہیں جنگلوں میں اور کبھی کہیں ہوتے ہیں’ ۔اعظم سواتی نے کہا کہ عمران خان نے مجھ پر اور میری بیوی بچوں پر ہونے والے ظلم و ستم پر ہر جلسے اور ہر موقعے پر آواز اٹھائی۔

انھوں نے کہا کہ جب جیل کی سلاخوں کے پیچھے میں تحریک انصاف کی خواتین اور اپنی ان بچیوں کی طرف دیکھتا ہوں تو میں اپنی اور اپنے خاندان کی تکلیف ایک طرف رکھتا ہوں اور کہتا ہوں کہ ہمیں دی جانے والی تکیلف کچھ بھی نہیں ہے۔انھوں نے خدیجہ شاہ کا خصوصی ذکر کیا.

PTI Chapter from New Jersey, USA, attended #PTIVitualJalsa and expressed their solidarity and love for Imran Khan. Global power show! #پہلا_آنلائن_پاورشو pic.twitter.com/1ESmIFdn2t

— PTI (@PTIofficial) December 18, 2023

حماد اظہر نے بھی اس جلسے سے خطاب کیا اور کہا کہ عمران خان کے دور میں معیشت ترقی کر رہی تھی مگر حکومت کی تبدیلی سے پاکستان کے معاشی حالات زیادہ بگڑے۔علی محمد خان نے اپنے خطاب میں کہا نو مئی کو غلط کرنے والوں کو پھانسی دے دی جائے۔

انھوں نے کہا کہ مگر یہ سب قانون کے تحت ہونا چاہیے۔ علی محمد خان نے کہا کہ ایسے غلط کام کرنے والوں کی تعداد کتنی ہو گی یہیں سو یا دو سو بس۔تحریک انصاف کے تقریباً تمام ہی رہنماؤں نے آن لائن جلسے سے خطاب میں نو مئی کے واقعات کی مذمت کی ہے۔

’ایکس‘ پر آغاز سے ہی شرکا کی تعداد 40 ہزار سے تجاوز کر گئی تھی جس کی تعداد بعد میں بڑھتی ہوئی لاکھوں تک پہنچ گئی،تحریک انصاف کے روپوش رہنماؤں نے بھی اس جلسے سے خطاب کیا۔

ورچوئل جلسے سے مونس الٰہی، علی محمد خان، عاطف خان، زرتاج گل اور بیرون ملک مقیم شہباز گل اور زلفی بخاری نے بھی خطاب کیا.

In 76 years of history, there is a leader who has done his job and that is Imran Khan. Even if we all are eliminated, Imran Khan has done his job.#پہلا_آنلائن_پاورشو@TeamVOP1

pic.twitter.com/8wXXovZUr4

— Raniⁱᴾⁱᵃⁿ (@amtuljhameed) December 18, 2023

اس دوران انٹرنیٹ سروس سست روی کا شکار ہوگئی ہے جس کے باعث سوشل میڈیا پلیٹ فارمز پر صارفین کو رسائی میں دشواری کا سامنا کرنا پڑ نا تاہم انصافیز نے نیٹ سروس سلو ہونے کے خدشہ کے پیش نظر اس کا بھی توڑ کر لیا۔

انٹرنیٹ سروس پر نگاہ رکھنے والے ادارے نیٹ بلاکس کا کہنا ہے کہ پاکستان بھر میں انٹرنیٹ سروسز تعطل کا شکار رہی۔

پاکستان تحریک انصاف (پی ٹی آئی) کے حامیوں کی جانب سے دعویٰ کیا جا رہا ہے کہ حکومت نے پی ٹی آئی کے سوشل میڈیا پر منعقد ہونے والے ’وِرچوئل جلسے’ کو روکنے کے لیے ملک بھر میں انٹرنیٹ سروس ڈاؤن کی ہے۔

تاہم ابھی تک اس بات کی بھی تصدیق نہیں کی جا سکی ہے کہ آیا پاکستان بھر میں انٹرنیٹ سروس پی ٹی آئی کے وِرچوئل جلسے کو روکنے کے لیے ڈاؤن کی گئی ہے یا پھر کسی تکنیکی مسئلے کے باعث ایسا ہوا۔