فوٹو فائل
کیلیفورنیا: انسٹاگرام پر ریلز کو بہتر بنانے کے لیے نیا فیچر متعارف کرادیا گیا۔
میڈیا رپورٹ کے مطابق فوٹو اینڈ ویڈیو شیئرنگ ایپ انسٹاگرام کی ریلز یا اسٹوریز میں اس وقت خود ٹائپ کر کے شاعری شامل کرنی پڑتی ہے، تاہم نئے فیچر کے ساتھ صارفین کو ایسی محنت کرنے کی ضرورت نہیں پڑے گی۔
اس فیچر کو استعمال کرنے کیلئے آپ کو صرف اپنی ریل میں میوزک کلپ شامل کرنے کی ضرورت ہے اور پھر دھن کے آپشن کو منتخب کرنا ہوگا۔
آپ دیکھیں گے کہ گانے کے بول سکرین پر ظاہر ہوتے ہیں اور آپ فونٹ، رنگ اور متن کی پوزیشن کو ایڈجسٹ کر سکتے ہیں، اس میں آپ دھن کے مخصوص حصے کو بھی نمایاں کر سکتے ہیں جو آپ کے پیغام یا مزاج سے میل کھاتا ہے۔
انسٹاگرام کی مالک کمپنی میٹا نے انسٹاگرام چینل پر نیا فیچر پیش کرنے کا اعلان کرتے ہوئے کہا کہ شاعری کو شامل کرنے کے فیچر کو دنیا بھر میں پیش کر دیا گیا، خصوصی طور پر ریلز میں شاعری کو شامل کرنے کا فیچر ان افراد کیلئے اچھی خبر ہے جو ہر ریلز کے گانے میں خود سے اس کے بول لکھنے کے عادی تھے۔
پلیٹ فارم کے مطابق یہ نوٹ کیا گیا کہ کروڑوں صارفین گانوں پر شاعری مینوئل طریقے سے لکھتے تھے، جس وجہ سے ان کا وقت بھی ضائع ہوتا تھا، لیکن اب نئے فیچر کے تحت صارفین صرف ایک کلک پر ریلز میں مذکورہ گانے کی شاعری شامل کر سکیں گے۔
About The Author
Comments are closed.