ممتاز عالم دین طارق جمیل کا بیٹا سینے میں گولی لگنے سے جاں بحق

فوٹو: فائل

ملتان: ممتاز عالم دین طارق جمیل کا بیٹا سینے میں گولی لگنے سے جاں بحق، مولانا نے سوشل میڈیا پر تصدیق بھی کی اور لوگوں سے بیٹے کیلئے دعا کی درخواست بھی کی ہے.

دوسری طرف ملتان کے ریجنل پولیس آفیسر سہیل چوہدری کا کہنا ہے کہ مولانا عاصم جمیل کے سینے پر گولی لگی ہے۔ سہیل چوہدری کا کہنا ہے کہ پولیس موقع پر پہنچ گئی ہے، مزید تفصیلات سامنے آئیں گی۔

انا للہ وانا الیہ راجعون

آج تلمبہ میں میرے بیٹے عاصم جمیل کا انتقال ہوگیا ہے. اس حادثاتی موت نے ماحول کو سوگوار بنا دیا۔ آپ سب سے گزارش ہے کہ اس غم کے موقع پر ہمیں اپنی دعاؤں میں یاد رکھیں. اللہ میرے فرزند کو جنت الفردوس میں اعلیٰ مقام عطا فرمائے۔

— Tariq Jamil (@TariqJamilOFCL) October 29, 2023

مولانا طارق جمیل کا کہنا ہے کہ میرے بیٹے عاصم جمیل کا انتقال ہوگیا ہے۔ ایکس پر پیغام میں طارق جمیل نے کہا کہ آج تلمبہ میں میرے بیٹے عاصم جمیل کا انتقال ہوگیا ہے۔

مولانا طارق جمیل نے کہا کہ اس حادثاتی موت نے ماحول کو سوگوار بنا دیا ہے، آپ سب سے گزارش ہے کہ اس غم کے موقع پر ہمیں اپنی دعاؤں میں یاد رکھیں، اللّٰہ میرے فرزند کو جنت الفردوس میں اعلیٰ مقام عطا فرمائے۔

Maulana Tariq Jameel's son Asim Jameel has been killed in his native town Talamba. #TariqJameel #AsimJameel pic.twitter.com/6fL8DVlKDI

— Sanam Jamali🇵🇰 (@sana_J2) October 29, 2023

سابق وزیراعظم اور پاکستان مسلم لیگ ن کے صدر شہباز شریف کا کہنا ہے کہ مولانا طارق جمیل صاحب اور ان کے اہل خانہ سے جواں سال فرزند عاصم جمیل کی وفات پر دلی دکھ اور افسوس کا اظہار کرتا ہوں۔

شہباز شریف نے کہا کہ اس حادثے پر ہم سب آپ کے غم میں شریک ہیں۔ یقیناً یہ ایک ناقابل برداشت غم ہے۔

رہنما مسلم لیگ ن نے کہا کہ ہماری دعائیں اور ہمدردیاں طارق جمیل کے ساتھ ہیں۔ اللّٰہ تعالیٰ مرحوم کو اپنے جوار رحمت میں بلند مقام عطا فرمائے اور اہل خانہ کو صبر جمیل دے۔