شیخ رشید کی لال حویلی پولیس کی بھاری نفری کے ہمراہ سیل کر دی گئی

‏فوٹو: فائل

راولپنڈی :سابق وزیر داخلہ شیخ رشید کی لال حویلی پولیس کی بھاری نفری کے ہمراہ سیل کر دی گئی متروکہ وقف املاک نے حویلی سیل کی سخت سیکیورٹی میں شیخ رشید احمد کی لال حویلی کو ایکبار پھر سیل کیا گیا، لال حویلی کے مرکزی دروازے سمیت 7 یونٹس کو سیل کئے گئے۔

پولیس کی بھاری نفری کے ہمراہ کارروائی کی گئی اورےموقعہ پر موجود واحد سیکورٹی گارڈ کو بھی اپنا سامان اٹھا کر یہاں سے بھجوا دیا گیا۔ عمارت کو سربمہر کرنے سے قبل لیڈیز پولیس کی مدد سے لال حویلی کی تلاشی بھی لی گئی.

لال حویلی کو سیل کرنے کے آپریشن کی سربراہی کرنے والے ڈپٹی ایڈمنسٹریٹر متروکہ وقف املاک آصف خان کا میڈیا سے گفتگو کرتے ہوئے کہنا تھا کہ لال حویلی کی رجسٹری منسوخ کر دی گئی ہے انھوں نے تصدیق کی کہ رجسٹری جعلی نہیں تھی،کارروائی کے بعد منسوخ کی گئی.

انھوں نے کہا کہ لال حویلی کو مکمل سیل کیا گیا ہے، یہ کوئی انتقامی کارروائی نہیں تھی شیخ رشید چاہیں تو اپیل میں جا سکتے ہیں ان کے پاس قانونی راستہ موجود ہے۔

متروکہ وقف املاک نے دوران آپریشن لال حویلی کی نچلی اور اوپری منزل کو مکمل طور پر سربمہر کردیا گیا.

آپریشن مکمل ہونے پر لال حویلی کے باہر سے پولیس نفری کو ہٹا لیا گیا۔ڈپٹی ایڈمنسٹریٹر متروکہ وقف املاک آصف خان کی قیادت میں راولپنڈی پولیس، آیف آئی اے نے آپریشن میں حصہ لیا۔

اس سے قبل رات کو ہی عوامی مسلم لیگ کے سربراہ و سابق وزیر داخلہ شیخ رشید کی لال حویلی خالی کرانےکا فیصلہ ہوا کہ صبح سویرے آپریشن شروع ہوگا، متروکہ وقف املاک کا لال حویلی کو خالی کروانے کا فیصلہ کیا۔

راولپنڈی میں مشہور زمانہ لال حویلی خالی کرانے کا فیصلہ کیا اور اس کے لیے راولپنڈی انتظامیہ  آج (جمعرات) صبح 6 بجے آپریشن کرے گی۔ راولپنڈی ضلعی انتظامیہ، پولیس اور ایف آئی اے بھی آپریشن میں حصہ لیں گی۔

ایویکو ٹرسٹ نے پراپرٹی کو اپنی تحویل میں لینے کے لیئے آپریشن کا فیصلہ کیا ،متروکہ وقف املاک نے ایف آئی اے اینٹی کرپشن اسٹیبلشمنت اور پولیس سے فورس مانگ لی.

ضلعی انتظامیہ بھی ایویکو ٹرسٹ پراپرٹی کو قبضہ لینے کے لیئے قانونی اور افرادی قوت مہیا کرے ۔پراپرٹی کو خالی کروانے کے لیئے آج صبح 6 بجے آپریشن کیا جائے گا۔

نوٹس میں کہا گیاہے کہ بوہڑ بازار میں قائم دمدمہ مندر اور راجہ بازار کی لال حویلی متروکہ وقف املاک کی ملکیت ہے۔

سپریم کورٹ کی ہدایات پر دونوں جائیدادوں کو قبضہ مافیا سے خالی کروا کے تحویل میں لیا جایے گا۔

واضح رہے لال حویلی کے مالک سابق وزیر داخلہ شیخ رشید احمد ان دنوں پابند سلاسل ہیں اور ان کی غیر موجودگی میں متروکہ وقف املا ک نے قانون نافذ کرنے والے اداروں کی مدد سے لال حویلی خال کرنے کا فیصلہ کیاہے۔