اگر میری مانی سے شادی نہ ہوتی تو میں 5 سے 6 شادیاں کرچکی ہوتی،اداکارہ حرا مانی

فائل:فوٹو

لاہور: اداکارہ حرا مانی نے انکشاف کیا ہے کہ میں بہت دل پھینک ہوں اگر میری مانی سے شادی نہ ہوتی تو میں اب تک 5 سے 6 شادیاں کرچکی ہوتی۔

پاکستان شوبز انڈسٹری کی معروف اداکارہ حرا مانی نے نجی ٹی وی پروگرام میں اپنی اداکاری، کیریئر اور شادی سے متعلق گفتگو کی۔

پروگرام کے دوران جب ان سے میزبان عمران اشرف کی جانب سے سوال کیا گیا کہ اگر آپ مانی سے شادی نہ کرتیں تو کیا آپ آج بھی شوبز انڈسٹری میں ہوتیں؟ جس پر حرا مانی نے کہا کہ مانی سے شادی نہ کرتی تو میری 5،6 شادیاں ہوچکی ہوتیں۔
انہوں نے اپنے بیان کی وضاحت کرتے ہوئے کہا کہ کیونکہ میں دل پھینک قسم کی لڑکی تھی، اس کا مطلب یہ ہے کہ مانی کی شادی میری پسند کی تھی، لیکن اگر ان سے شادی نہ ہوتی تو مجھے ہر دوسرا لڑکا "اچھا” لگتا۔

خیال رہے کہ حرا اور مانی کی شادی 2008 میں ہوئی تھی، اس وقت حرا صرف 19 سال کی تھیں، جوڑے کے 2 بیٹے ہیں، مزمل (2009 میں پیدا ہوئے تھے) اور ابراہیم ( 2014 میں پیدا ہوئے تھے)۔