اداکارہ شلپا شیٹی کا ٹماٹر سے متعلق انوکھے انداز میں احتجاج

فائل:فوٹو

ممبئی :بھارت میں ٹماٹر کی قیمت آسمان پر پہنچ گئی، جس کے بعد بالی ووڈ اداکاراؤں نے بھی ٹماٹر کو بہت زیادہ اہمیت دینا شروع کردیا ہے۔

سنیل شیٹی کے بعد اداکارہ شلپا شیٹی نے بھی ٹماٹر سے متعلق انوکھے انداز میں احتجاج کیا ہے۔

بالی ووڈ کی معروف اداکارہ شلپا شیٹی نے ٹماٹر سے متعلق ایک میم اپنے ٹوئٹر اکاوٴنٹ پر شیئر کی ہے۔

اداکارہ نے ایک سپر اسٹور میں ٹماٹر اپنے ہاتھ میں رکھ کر ویڈیو بنائی ہے جس کے کیپشن میں انہوں نے لکھا کہ ٹماٹر کی قیمتیں بڑھنے کے بعد میرے دل کی دھڑکن یوں ہوگئی ہے۔

https://twitter.com/TheShilpaShetty/status/1681943905305231361?ref_src=twsrc%5Etfw%7Ctwcamp%5Etweetembed%7Ctwterm%5E1681943905305231361%7Ctwgr%5E6522b276823b4d2264da24ae0a7e309d7b540aa2%7Ctwcon%5Es1_c10&ref_url=https%3A%2F%2Fjang.com.pk%2Fnews%2F1249575

شلپا شیٹی نے جو میم شیئر کی ہے اس ویڈیو میں دیکھا جاسکتا ہے کہ وہ ٹماٹر ہاتھ میں پکڑتی ہیں تو پیچھے سے ایک فلمی ڈائیلاگ کی آواز آتی ہے، جس میں کہا جاتا ہے کہ ’خبر دار جو مجھے چھونے کی کوشش کی، کس حق سے تم نے مجھے چھوا؟ تمھارا کوئی حق نہیں ہے مجھ پر۔‘

سوشل میڈیا صارفین کی جانب سے شلپا شیٹی کی ویڈیو پر دلچسپ تبصروں کا سلسلہ جاری ہے۔